Billie Jean
„Billie Jean“ amerikalik qoʻshiqchi Michael Jackson ijro etgan qoʻshiqdir.
Xonandaning Thriller (1982) nomli oltinchi studiyaviy albomiga kiritilgan. 1983-yilning 2-yanvarida albomning ikkinchi singli oʻlaroq Epic Records leyblida eʼlon qilingan. Qoʻshiq matnini Jacksonning oʻzi yozgan. Qoʻshiqqa Jackson va Quincy Jones produserlik qilishgan.
| „Billie Jean“ | ||||
|---|---|---|---|---|
| Michael Jackson qoʻshigʻi | ||||
| „Thriller“ albomidan | ||||
| Chiqarilgan sanasi | 2-yanvar 1983-yil | |||
| Yozib olingan | 1982 | |||
| Studiya | Westlake Recording Studios (Los Anjeles, Kaliforniya) | |||
| Janr | ||||
| Davomiyligi | 4:54 | |||
| Leybl | Epic | |||
| Matn muallif(lar)i | Michael Jackson | |||
| Prodyuser(lar) |
| |||
| Michael Jackson singllari xronologiyasi | ||||
| ||||
| Klipi | ||||
| „Billie Jean“ YouTubeda | ||||
„Billie Jean“ qoʻshigʻi Billboard Hot 100 chartida birinchi pogʻonagacha koʻtarilgan. Billboard Hot Black Singles chartida uch hafta davomida eng yuqori pogʻonani egallab turgan. Tarona Amerika ovoz yozish sanoati assotsiatsiyasi (inglizcha: Recording Industry Association of America) tomonidan olmos sertifikati bilan taqdirlangan. Umumjahon boʻylab 14 milliondan ortiq nusxada sotilgan hamda tarixdagi eng bozori chaqqon boʻlgan qoʻshiqlardan biriga aylangan. Bundan tashqari, ashula Birlashgan Qirollik, Kanada, Fransiya, Shveysariya va Belgiya mamlakatlari musiqa chartlarida ham birinchi pogʻonagacha koʻtarilgan. Yana bir qancha mamlakatlar musiqa chartlarida esa yuqori oʻntalik safidan oʻrin egallagan.
Qoʻshiq koʻplab mukofotlar, jumladan ikki marotaba Grammy va bir marotaba American Music Award bilan taqdirlangan. Shuningdek, qoʻshiq uchun klip ham suratga olingan boʻlib, unga Steve Barron rejissorlik qilgan.
Manbalar
 |
This article uses material from the Wikipedia O‘zbek article Billie Jean, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Matndan CC BY-SA 4.0 litsenziyasi boʻyicha foydalanish mumkin (agar aksi koʻrsatilmagan boʻlsa). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki O‘zbek (DUHOCTRUNGQUOC.VN) is an independent company and has no affiliation with Wiki Foundation.