سریندر سائی بھارت کی ریاست اوڈیشا کے ایک مشہور مجاہد آزادی رہ چکے ہیں۔ ان کی اور ان کے معاون ساتھیوں کی کوششوں کی وجہ سے اور کئی دوسروں نے برطانیویوں کی مزاحمت کی اور کامیابی سے مغربی اوڈیشا کے علاقے کو ایک عرصے تک برطانوی حکمرانی سے بچائے رکھا تھا، حالاں کہ اس کی وجہ سے ان کے کچھ ساتھیوں کو انگریز حکومت نے خاموشی سے مار ڈالا، کچھ کو سزائے کالا پانی کے لیے اس وقت کم آبادی والے خطرناک انڈمان و نکوبار جزائر بھیجا گیا تھا۔ کچھ ساتھی اور خود سریندر سائی اسیری کی حالت ہی میں دنیا سے رخصت ہو گئے تھے۔
سریندر سائی | |
---|---|
(اڈیا میں: ବୀର ସୁରେନ୍ଦ୍ର ସାଏ) | |
معلومات شخصیت | |
پیدائش | 23 جنوری 1809ء سمبلپور ضلع |
وفات | 23 مئی 1884ء (75 سال) |
عملی زندگی | |
پیشہ | انقلابی |
درستی - ترمیم |
اوڈیشا کا سمبلپور ضلع سریندر سائی کا مقام پیدائش ہے۔ وہ یہاں 23 جنوری 1809ء میں پیدا ہوئے جو لپنگا کے نزدیک جھارسوگوڑا کے راستے میں سمبلپور کے شمال میں 40 کیلو میٹر کے فاصلے پر ہے۔ ان کے والد کا نام دھرما سنگھ تھا۔ وہ اپنے والدین کی سات اولاد میں سے ایک تھے۔
سریندر سائی اور ان کے ساتھی مادھو سنگھ، کُنال سنگھ، کُنجل سنگھ، آئری سنگھ، بَیری سنگھ، اُدانت سنگھ، اُجل سائی، کاگیشور داؤ، سالے گرام بریہا، گوویند سنگھ، پہاڑ سنگھ، رجی سنگھ گھسیا، کمل سنگھ، ہٹی سنگھ، سالک رام بریہا، لوک ناتھ پانڈا/ گڑتیا، مرتیونجے پانی گرہی، جگ بندھو ہوٹا، پدم ناوے گرو، تری لوچن پانی گرہی اور کئی دوسروں نے برطانیویوں کی مزاحمت کی اور کامیابی سے مغربی اوڈیشا کے علاقے کو ایک عرصے تک برطانوی حکمرانی سے بچائے رکھا تھا۔ اس وجہ سے وہ برطانوی حکومت کے لیے باعث فکر بنے ہوئے تھے جب کہ آج بھی اوڈیشا میں انھیں اور ان کے ساتھیوں کو ہیرو کا درجہ دیا جاتا ہے۔
سریندر سائی اور ان کے ساتھیوں میں سے زیادہ تر آزادی کے لیے عام معلومات کے بغیر ہی اپنی جان کھو بیٹھے تھے۔ کئی کو انگریزوں نے پھانسی بھی دی؛ کچھ لوگ سزائے کالا پانی کے دوران میں اپنی جان کھو چکے تھے۔ سریندر سائی اسیرگڑھ قید میں 23 مئی 1884ء کو گذر گئے تھے۔
This article uses material from the Wikipedia اردو article سریندر سائی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.