اسقاط حمل پر بحث (انگریزی: Abortion debate) انسانی سماج میں تقریبًا ہر دور سے جاری تنازع کا موضوع ہے جس میں حمل کو ساقط کرنے کے اخلاقی، قانونی، مذہبی اور اسی طرح سے سماجی اور سیاسی پہلوؤں پر بحث ہوتی رہی ہے۔ دنیا کے کچھ ملکوں میں اسقاط حمل سیاسی اور سماجی طور پر قابل قبول تسلیم کیا جا چکا ہے۔ کچھ ملکوں میں یہ غیر قانونی بھی ہے اور کچھ ملکوں میں اسقاط حمل محدود شرائط کے ساتھ قابل قبول ہے۔
اسقاط حمل کے لیے اگر چیکہ مختلف خواتین کی پیش قدمی کے اسباب مختلف ہیں، تاہم ایک ایک عام سبب ناچاقی حمل سے چھٹکارا پانا ہے۔ یہ حمل کسی خاموشی سے اور رضا مندی سے کیا جانے والا جنسی حمل بھی ہو سکتا ہے اور کسی آبرو ریزی کی شکار خاتون کا سماج میں نو مولود کی عدم قبول اور بدنامی سے بچنے کی کوشش بھی ہو سکتی ہے۔ اس معاملے میں جہاں اسقاط حمل کی اجازت قانونًا نہ ہو یا بہت ہی استثنائی معاملات میں ہو، اسقاط حمل اکثر چوری چھپے انجام پاتا ہے، جو عورتوں کی صحت کے لیے مضر بھی ہوتا ہے اور جان لیوا بھی ہو سکتا ہے۔ اسقاط حمل پاکستان میں غیر قانونی ہے۔ اسٹیل ہینگر اور افیون، پاکستان میں زیادہ تر خواتین کے لیے غیر مطلوبہ حمل ختم کرنے کے حربے ہیں۔ ان حربوں اور اس جیسی کوششوں کی وجہ سے کئی خواتین مہلک انفیکشن کا شکار ہوتی ہیں۔ یہی کیفیت دنیا کے کئی دیگر ممالک میں بھی دیکھی گئی ہے جہاں اسقاط حمل کی نہ تو قانونی اجازت ہے اور نہ ہی سماج میں قابل قبول سمجھا گیا ہے۔
This article uses material from the Wikipedia اردو article اسقاط حمل پر بحث, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.