پرنس روجرز نیلسن

1958ء میں پیدا ہوئے۔

انھوں نے دو بار شادی کی۔ پہلی بار 1996ء میں مائٹی گارسیا سے جو 2000ء تک رہی۔ دوسری بار 2001ء میں مانیلا ٹیسٹولینی سے جو 2006ء تک رہی۔

ان کے میوزک میں راک، آر اینڈ بی، سول، فنک اور پوپ کا امتزاج تھا۔ اور اسی وجہ سے ان کا شمار بہترین گلوکاروں میں ہوتا ہے۔

خداداد صلاحیت کے مالک منجھے ہوئے اس موسیقار کو چند معرکة الآرا گانوں کی وجہ سے دنیا بھر میں جانا جاتا تھا۔

ان کی 1979ء کی البم آئی وانا بی یور لوّر نے تمام ریکارڈ توڑدیے۔

پرنس 1980ء کی دہائی میں اس وقت سپر سٹار کے مقام پر پہنچے جب انھوں نے 1999، پرپل رین اور سائن آف دا ٹائمز جیسی مشہور البمز ریلیز کیں۔

پھر زیادہ شہرت ’1999‘، ’لٹل ریڈ کورویٹ‘ اور ’پرپل رین‘، سے ہی حاصل ہوئی جو دراصل سنہ 1984ء کے اُن کے البم اور فلم کا عنوان تھا جسے شہرت کے زینے پہ درخشاں ٹائیٹل کا درجہ حاصل رہا ہے۔

گلوکار، گانے لکھنے والے اور کئی ساز بجانے کی صلاحیت رکھنے والے پرنس نے 30 سے زیادہ البمز ریکارڈ کرائیں۔ کچھ کا کہنا ہے کہ ان کے مکان پر اتنا ریلیز نہ ہوا میوزک پڑا ہے کہ 100 مزید البم بن سکتے ہیں۔

ان کی سب سے مشہور البمز میں لیٹس گو کریزی اور وین ڈیوز ڈائی (When Doves Die) شامل ہیں۔

2004ء میں پرنس کو راک اینڈ رول فیم میں شامل کیا گیا۔ 2004ء میں وہ بیونسے کے ہمراہ بھی پرفارم کرتے رہے ہیں۔

پرنس نے فروری 2007ء کو میامی کے ڈولفن اسٹیڈیم میں سپر بول کے ہاف ٹائم پر پرفارم کیا۔

پرنس نے تقریباً اپنا ہر مشہور گانا خود لکھا، کمپوز کیا، پروڈیوس کیا اور گایا۔

ان کا گانا پرپل مینز پرپل پیچ انھوں نے اپنے پہلے بینڈ دا ریوولیوشن کے ساتھ گایا۔

اس بینڈ کے ساتھ پرنس نے پانچ سالوں میں دو درجن راک کلاسک گانے گائے۔

ان کے بارے میں کہا جاتا ہے کہ سٹوڈیو میں ان کو روکنا مشکل تھا۔ لیکن ان کا اصل جادو سٹیج پر سامنے آتا تھا۔

دنیا بھر میں اُن کے 10 کروڑ سے زائد البم فروخت ہوئے۔

اپنے کریئر میں ان کے 100 ملین ریکارڈز فروخت ہوئے۔

انھیں سات بار ’گریمی ایوارڈ‘ سے نوازا گیا مثال کے طور پر فروری 2013ء میں 55 ویں گریمی ایوارڈز میں ریکارڈ آف دی ایئر کا ایوارڈ ملا۔

انھیں ایک گولڈن گلوب اور ایک اکیڈمی ایوارڈ سے بھی نوازا گیا۔

اور ’پرپل رین‘ کے گانے کو ’بہترین تخلیقی کاوش‘ پر ’آسکر‘ کا ایوارڈ دیا گیا۔ پاپ موسیقی کے بادشاہ پرنس نے اپنی شریک حیات کے ساتھ لاس اینجلس میں ہونے والے 77 ویں آسکر کی تقریب میں شرکت کی تھی۔

سنہ 2004ء میں، پرنس کا مومی مجسمہ ’روک اینڈ رول ہال‘ میں مزین کیا گیا۔

بہت کم افراد ایسے تھے جنھوں نے ان کی ٹیلنٹ کو نہیں سراہا۔ رولنگ سٹونز میگزین نے 2007ء میں ان کو 100 عظیم آرٹسٹ کی فہرست میں 27 ویں نمبر پر رکھا۔

22نومبر 2015ء میں لاس اینجلس میں ہونے والے امریکی موسیقی ایوارڈ میں پرنس کی ایلبم "سول" کو بہترین ایلبم کا ایوارڈ دیا گیا۔

گذشتہ ہفتے ان کو کانسرٹ میں پرفارمنس کے بعد ہسپتال لے جایا گیا لیکن جلد ہی ڈسچارج کر دیا گیا تھا۔

پرنس 57 برس کی عمر میں انتقال کر گئے۔

اخباری اطلاعات کے مطابق، وہ امریکا میں منیسوٹا کے شہر منی پولس میں 21 اپریل، 2016ء بروز جمعرات علی الصباح اپنے گھر پر مردہ پائے گئے۔

امریکی میڈیا کے مطابق پولیس کو ایمرجنسی میں پیزلی پارک میں واقع مکان پر بلایا گیا۔ پولیس نے تفتیش شروع کر دی ہے۔

پرنس کے انتقال پر سوشل میڈیا پر تعزیتی پیغامات آ رہے ہیں اور مداح ان کے مکان کے قریب پیزلی پارک میں جمع ہو رہے ہیں۔