نگوین شوآن فوک

نگوین شوآن فوک 20 جولائی 1954ء کو جمہوریہ ویتنام کے قوے فو علاقے، ضلع قوے سون، صوبہ قوانگ نام میں پیدا ہوئے۔ انھوں نے 1973ء سے 1978ء تک ہنوئی اکنامک یونیورسٹی سے اکنامک مینجمنٹ کی تعلیم حاصل کی۔ انھوں نے 12 مئی 1982ء کو ویتنامی کمیونسٹ پارٹی میں شامل ہونے کی پیش کش قبول کی اور 12 نومبر 1983ء کو رسمی طور پر جماعت کے رکن بن گئے۔ سنہ 1978ء سے سنہ 1979ء تک وہ کوانگ نام دا نانگ اکنامک بورڈ کے عملے میں شامل تھے۔ 1980ء سے 1993ء تک نگوین فوک شوآن ملازم بنے، پھر نائب اور بڑھتے بڑھتے کوانگ نام دا نانگ پیپلز کمیٹی کے دفتر کے سربراہ بن گئے۔ انھوں نے ویتنام ایڈمنسٹریٹو اکیڈمی سے ایڈمنسٹریٹو منیجمنٹ پڑھی تھی۔

ان کے والد نگوین ہی‌ین سہ 1918ء میں پیدا ہوئے تھے اور وہ جمہوری جمہوریہ ویتنام کے لیے کام کرتے تھے۔ وہ، ان کی والدہ اور بہن بھائی آبائی قصبے میں رہتے تھے، جہاں سے ان سب نے تعلیم حاصل کی تھی۔ ان کی والدہ اور بہن بھائی خفیہ طور پر شمالی ویتنام کے آزادی پسندوں کے لیے کام کرتے تھے اور ان کی بہن کو سنہ 1965ء کی جنگ کے بعد امریکی فوج اور شمالی ویتنامی حکومت نے قتل کیا تھا۔ سنہ 1966ء میں ان کی والدہ کو بھی مار دیا گیا۔ وہ کچھ عرصے تک اپنی ایک بہن کے ہمراہ آبائی قصبے میں رہے پھر سنہ 1967ء میں ان کے والدین کے رفقا نے انھیں خفیہ طور پر جنوبی ویتنام منتقل کر دیا۔

ان کی زوجہ ترن تھی نگویت تھو ہیں۔ ان کے دو بچے ہیں۔