مہندر کپور: بھارتی پس پردہ گلوکار
مہندر کپور (پیدائش: 9 جنوری 1934ء— وفات: 27 ستمبر 2008ء) بھارتی پس پردہ گلوکار تھے۔اُن کی وجہ شہرت گیت چلو اِک بار پھر سے اجنبی بن جائیں ہم دونوں اور نیلے گگن کے تلے تھے۔ محب الوطنی کے گیت بھی اُن کی پہچان تھے جیسے کہ 1972ء میں اپکار فلم کا گیت میرے دیش کی دھرتی تھا۔ 1972ء میں ہی انھیں حکومت ہند نے پدم شری اعزاز سے نوازا۔ مہندر کپور کی آواز اداکار منوج کمار کے لیے بہترین سمجھی جاتی تھی۔
| مہندر کپور | |
|---|---|
| معلومات شخصیت | |
| پیدائش | 9 جنوری 1934ء امرتسر |
| وفات | 27 ستمبر 2008ء (74 سال) ممبئی |
| وجہ وفات | دورۂ قلب |
| شہریت |  بھارت (26 جنوری 1950–) برطانوی ہند (–14 اگست 1947) ڈومنین بھارت (15 اگست 1947–26 جنوری 1950) |
| فنکارانہ زندگی | |
| آلہ موسیقی | صوت |
| پیشہ | گلو کار |
| اعزازات | |
| ویب سائٹ | |
 | IMDB پر صفحہ |
درستی - ترمیم  | |
سوانح
مہندر کپور کی پیدائش 9 جنوری 1934ء کو امرتسر میں ہوئی۔ بعد ازاں خاندان ممبئی منتقل ہو گیا۔ نوعمری میں ہی مہندر کپور پس پردہ گلوکار محمد رفیع (متوفی 31 جولائی 1980ء) سے متاثر ہوئے اور انھیں اپنا اُستاد تسلیم کیا۔مہندر کپور نے کلاسیکی موسیقی کی تعلیم پنڈت حُسن لال، پنڈت جگن ناتھ، استاد نیاز احمد خان، استاد عبد الرحمن خان اور پنڈت تلسی داس شرما سے حاصل کی۔
بطور پس پردہ گلوکار
1958ء میں مہندر کپور نے پہلی بار بحیثیت پس پردہ گلوکار فلم نورنگ میں اپنی آواز دی جو 18 ستمبر 1959ء کو نمائش کے لیے پیش کی گئی تھی۔ مہندر کپور کو بطور پس پردہ گلوکار متعارف کروانے والے موسیقار وی شانتارام تھے جبکہ اِس کی موسیقی سی رام چندر نے ترتیب دی تھی۔ فلم ہدایتکار بلدیو راج چوپڑا نے بھی متعدد فلموں کے لیے مہندر کپور سے گیت ریکارڈ کروائے، اِن میں دھول کا پھول (4 دسمبر 1959ء)، گمراہ (1963ء)، وقت (28 جولائی 1965ء)، ہم راز (1967ء)، دھند (13 فروری 1973ء)، نکاح (24 ستمبر 1982ء) شامل تھیں۔ منوج کمار کے لیے اپکار (1967ء)، پورب اور پشچم (1970ء) جیسی فلموں میں بطور پس پردہ گلوکار آواز دی۔
مزید دیکھیے
حوالہ جات
This article uses material from the Wikipedia اردو article مہندر کپور, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.