محمد شفیع: پاکستانی ماہرِ علوم عربی، مصنف

مولوی محمد شفیع 6 اگست، 1883ء کو قصور، صوبہ پنجاب (برطانوی ہندوستان) میں پیدا ہوئے۔ قصور ہائی اسکول سے انٹرنس کا امتحان دیا۔ اسلامیہ کالج لاہور سے بی اے کیا اور فورمن کرسچین کالج لاہور سے 1905 میں انگریزی میں ایم اے کیا۔ ٹریننگ کالج لاہور سے ٹیچر ٹریننگ حاصل کی۔ 1913ء میں جامعہ پنجاب سے ایم اے (عربی) کے امتحان میں پہلی پوزیشن حاصل کی۔ 1915ء میں برطانوی حکومت ہند کے وظیفے پر انگلستان گئے جہاں 1919ء میں جامعہ کیمبرج سے پی ایچ ڈی کی ڈگری حاصل کی۔ اسی سال وطن واپس لوٹے اور پہلے اورینٹل کالج لاہور میں عربی کے پروفیسر اور بعد ازاں اسی کالج کے وائس پرنسپل مقرر ہوئے۔ 1936 میں انھیں کالج کا پرنسپل کا عہدہ مل گیا۔ 30 ستمبر 1942 میں ریٹائرمنٹ لی۔

اپنے ایک شاگرد ڈاکٹر سید محمد عبد اللہ کے ہمراہ انسائیکلوپیڈیا آف اسلام کی تیاری کرنا چاہتے تھے لیکن قیام پاکستان سے قبل یونیورسٹی انتظامیہ نے اجازت نہ دی۔ قیام پاکستان کے بعد طویل نشستوں اور مراسلوں کے بعد 1950ء میں ڈاکٹر محمد شفیع کی تحریک پر جامعہ پنجاب میں اردو دائرہ معارف اسلامیہ کا ادارہ قائم ہوا اور وہ اس کے پہلے صدر مقرر ہوئے۔ 1992 میں پہلا حصہ مکمل ہوا اور پہلا اردو اسلامی انسائیکلوپیڈیا شائع ہوا۔

وہ کئی کتابوں کے مصنف تھے جن میں مقالات دینی و علمی و دیگر شامل ہیں۔۔

حکومت پاکستان نے ان کی خدمات کے اعتراف کے طور پر انھیں ستارۂ پاکستان اور حکومت ایران نے نشان سپاس کا اعزاز عطا کیا۔

• ڈاکٹر مولوی محمد شفیع: حیات و خدمات،(پی ایچ ڈی مقالہ)، امان اللہ غازی، پنجاب یونیورسٹی لاہور، 1997ء

مولوی محمد شفیع 14 مارچ، 1963ء کو لاہور، پاکستان میں وفات پاگئے اور لاہور میں شادمان کے قبرستان میں سپردِ خاک ہوئے۔

• سر میاں محمد شفیع