شو سینا

شِوْ سیْنا (یا شیو سینا) ایک بھارتی علاقائی جماعت ہے،مہاراشٹر ریاست میں یہ زیراقتدار ہے،اور اس کے صدر ادھوٹھاکرے وہاں کے وزیر اعلیٰ ہیں،یہ پہلے 30 سال تک بی جےپی کی اتحادی رہی جو نظریاتی طور پر اس سے کافی ہم آہنگ تھی،مہاراشٹر اسمبلی انتخابات، 2019ء دونوں نے اتحاد کے ساتھ لڑے،جس میں ان کے اتحاد کی فتح ہوئی،لیکن فتح کے فورا بعد شیوسینا نے کہنا شروع کر دیا کہ امت شاہ اس سے وعدہ کیا تھا کہ اسی کا وزیر اعلیٰ ہوگا،بی جے پی اس پر تیار نہ ہوئی،جس کے بعد دونوں کا اتحاد ٹوٹ گیا،پھر شیوسینا نے اپنی نظریاتی حریف کانگریس اور این سی پی کے ساتھ مل کر حکومت تشکیل دی،اس کا بنیادی نظریہ مراٹھی اور ہندو قوم پرستی ہے،لیکن حکومت میں آنے کے بعد اس نے اپنی اس تصویر کو کافی حد تک بدل دیا ہے،اب جہاں وہ سیکولرازم۔ کے گن گارہی ہے وہیں مسلم سماج سے بھی اس کی قربت بڑھی ہے،چنانچہ کئی بار مسلم سماج کے علما کے ساتھ اس کی میٹنگ ہوئی،اس نے شہریت ترمیمی قانون پر بی جے پی کی مخالفت کی اور اسے نافذ نہ کرنے کا عندیہ دیا، بال ٹھاکرے نے 19 جون 1966ء کو اس جماعت کی بنیاد رکھی۔