ایلیفینٹا کے غار

ایلیفینٹا کے غار

یونیسکو عالمی ثقافتی ورثہ
The 6 میٹر (20 فٹ) high Trimurti sculpture
مقام	ایلیفینٹا جزیرہ، مہاراشٹر، بھارت
معیار	Cultural: i, iii
حوالہ	244
کندہ کاری	1987 (11 اجلاس)
متناسقات	landmark_region:IN 18°57′49″N 72°55′53″E / 18.96353606039862°N 72.93137752883608°E / 18.96353606039862; 72.93137752883608
Location of Elephanta Caves ٰبھارت کا نقشہ دیکھیں ایلیفینٹا کے غار (مہاراشٹر) مہاراشٹر کا نقشہ دیکھیں ایلیفینٹا کے غار (ممبئی) ممبئی کا نقشہ دیکھیں

ممبئی سے 10 کلومیٹر اور جواہر لعل نہرو بندرگاہ سے 2 کلومیٹر کی دوری پر واقع ان غاروں میں زیادہ تر ہندو مت سے متعلق 5 غار اور کچھ بدھ مت سے متعلق استوپا اور غاریں ہیں۔ یہ دوسری صدی قبل مسیح میں تعمیر ہوئے ہیں اور ان میں دو بدھ مت کے غاروں میں پانی کے حوض بھی بنے ہوئے ہیں۔

ایلیفینٹا جزیرہ ، گیٹ وے آف انڈیا ممبئی سے 10 کلومیٹر مشرق اور جواہر لعل نہرو بندرگاہ سے 2 کلومیٹر مغرب میں واقع ہے۔ جزیرہ کا کل رقبہ اونچی لہروں میں10 کلومیٹر مربع ہے اور نیچی لہروں میں 16 کلومیٹر مربع ہے۔ جزیرہ کے شمالی خطہ می گھاراپوری نامی ایک گاؤں بھی واقع ہے۔ سوموار کو غار بند رہتا ہے۔ باقی دنوں میں صبح 9 اور دوپہر 2 بجے کے درمیان میں گیٹ وے آف انڈیا سے پانی کا جہاز چلتا رہتا ہے جس کے ذریعے زائرین غار کو دیکھنے آتے ہیں۔

جزیرہ کی کل لمبائی 2.4 کلومیٹر ہے۔ 150 میٹر اونچی دو پہاڑیاں ہیں اور دونوں کے درمیان میں ایک پتلی گھاٹی حد فاصل کا کام کرتی ہے اور شمال تا جنوب واقع ہے۔ مغرب کی جانب یہ پہاڑی تدریجا اونچی ہوتی جاتی ہے اور ساحل تک پھیلی ہوئی ہے۔ چوٹی کی اونچائی 173 میٹر (568 فٹ) ہے۔ آم املی اور سکھ چین درخت کا جنگل پیاڑوں پر سایہ فگن رہتا ہے۔ پام درخت بھی یہاں وہاں پھیلے ہوئے ہیں۔

ہندو مت یا بدھ مت کے متون میں غار یا جزیرہ کی کوئی تاریخ نہیں ملتی ہے۔ البتہ آثار قدیمہ کی تحقیقات سے انکشاف ہوا ہے کہ کسی زمانہ میں جزیرہ ثقافتی وراثت کا مرکز تھا جہاں تقریباً دوسری صدی قبل مسیح میں انسانوں کی کثیر آبادیاں تھیں۔ جزیرہ ہر برہمنوں کے آنے سے قبل ہنییان بدھ مت کے ماننے والے آباد تھے جنھوں نے گوتم بدھ کا ایک بڑا استوپا بنایا اور اس کے ارد گرد 7 چھوٹے استوپے تعمیر کیے۔ یہ تعمیرات تقریباً 2 صدی ق م میں ہوئی۔