اسٹینلے بالڈون: برطانوی سیاست دان

اسٹینلے بالڈون 3 اگست 1867ء کو بیوڈلے، ووسٹرشائر، انگلستان میں پیدا ہوئے۔ انھوں نے ابتدائی تعلیم سینٹ مائیکل اسکول سلاؤ، برکشائر اور ہیعرو اسکول میں حاصل کی۔ اس کے بعد وہ ٹرینیٹی کالج، کیمبرج میں داخل ہوئے اور تاریخ میں ڈگری حاصل کی۔ 1908ء میں کنزرویٹو پارٹی کی جانب سے پارلیمنٹ کے لیے منتخب ہوئے۔ 1916ء میں کنزرویٹو پارٹی کے رہنما انڈریو بونارلا کے پرائیویٹ سیکریٹری مقرر ہوئے۔ 1917ء میں وزیر خزانہ مقرر ہوئے۔ 1921ء میں بورڈ آف ٹریڈ کے صدر منتخب ہوئے۔ 1931ء میں بالڈون کو قومی حکومت کی کونسل کا صدر اعلیٰ چنا گیا اور ملک کے وزیر اعظم بنائے گئے۔ 1935ء سے 1937ء تک پھر وزیر اعظم بنے۔ یہ وہ زمانہ تھا جب ہٹلر نے یورپ میں فتوحات کا کا آغاز کر دیا تھا۔ سولینی نے ایتھوپیا پر قبضہ کر لیا تھا اور فاشزم کا خطرہ تیزی کے ساتھ بڑھنے لگا تھا۔ جرمنی نے اٹلی اور اسپین کی جمہوریت کے خلاف فاشسٹوں کی کھلے عام مدد کرنا شروع کر دی تھی۔ برطانوی حکومت نہ صرف مجہول تھی بلکہ ایتھوپیا پر اٹلی کے قبضے کو بھی اس نے تسلیم کر لیا تھا۔ حکومت کے اس رویہ پر نے سارے ملک میں غصہ کی لہر دوڑا دی۔ اس کے بعد شاہ ایڈورڈ ہشتم کو والس سمپسن سے شادی کرنے پر تخت سے دست بردار ہونا پڑا۔ اس دست برداری میں بالڈون کا بڑا حصہ تھا، چنانچہ ساسی دباؤ کی وجہ سے مئی 1937ء میں بالڈون نے وزارتِ اعلیٰ سے استعفا دے دیا۔ اس کے بعد انھیں ارل بنا دیا گیا اور وہ ساست سے الگ ہو گئے۔ اسٹینلے بالڈون 14 دسمبر 1947ء کو وایر فارسٹ ضلع، جنوبی ووسٹرشائر، انگلستان میں وفات پا گئے۔