Марк Твен

Солэн творчествяз пыро трос жанръёс — юмор, сатира, философской фантастика, публицистика но мукет. Котькуд жанрын со султэ гуманистъес но демократъес пала.

Марк Твен
Вордӥськыкуз сётэм нымыз:	англ. Samuel Langhorne Clemens
Ужан удысэз:
Вордӥськем нуналыз:	30-тӥ шуркынмонэ 1835({{padleft:1835|4|0}}-{{padleft:11|2|0}}-{{padleft:30|2|0}})[…]
Вордӥськем интыез:
Кун:
Кулон нуналыз:	21-тӥ оштолэзе 1910({{padleft:1910|4|0}}-{{padleft:4|2|0}}-{{padleft:21|2|0}})[…] (74 года)
Кулон интыез:
Автографез:
Марк Твен Викискладын

Сэмуэл Клеменс вордӥськиз 30 шуркынмонэ 1835 арын пичи Флорида городын (штат Миссури, США). Со вал куинетӥ, ныль улэп кылем нылпиос пöлысь.

Клеменслэн атаез, тыосыз висьыса, кулӥз 1847 арын но ас бераз кельтӥз трос пунэманъес. Самой бадӟым пиез, Ора́йон, ӝоген кутскиз поттыны газет, Сэм отын тыршиз типограф, но куд-ог дыръя автор луыса. Но сое ас дораз туж кыскиз Миссисипи, соин со огвакыт параходын лоцман луыса ужаз. 1861 аре граждан ож шоро-куспо кариз солэсь яратоно ужзэ. Озьы, со вуиз массонской движенилэн бичаськон интыяз, кудӥз интыяське вал Сент-Луисын но нимаськиз «Полярная Звезда» № 79 22 куартолэзе 1861 аре. 1861 аре пöсьтолэзе Клеменс кошкиз ӝытпала, ожлэсь палэнэгес. Невадаын, узыр луыны малпаса, со кутскиз ужаны шахтаын, азвесь утчаса. Но татын узырмыны öз пöрмы, соин ик со ужаны интыяськиз Вирджиниысь «Territorial Enterprise» газетэ. Та газетын ик со нырысьсэ поттӥз кушемнимзэ «Марк Твен». 1864 арын со улыны кариськиз Сан-Франциское но кутскиз печатланы ужъессэ пöртэм газетъесы.

Нырысетӥ вормонэз Марк Твенлэн вал 1869 арын, куке потӥз книгаез «Простаки за границей». 1870 арын со кузпалъяськиз Оливия Лэнгдонэн но интыяськиз Баффало каре.

Тужгес но тодмо ужъесыз: «Приключения Гекльберри Финна», «Приключения Тома Сойера», «Принц и нищий», «Янки из Коннектикута при дворе короля Артура».