ᱥᱟᱢᱩᱭᱮᱞ ᱞᱮᱱᱜᱷᱚᱨᱱ ᱠᱞᱮᱢᱮᱱᱥ (Samuel Langhorne Clemens) ᱚᱠᱚᱭ ᱫᱚ ᱢᱟᱨᱠ ᱴᱚᱣᱟᱭᱤᱱ (Mark_Twain) ᱧᱤᱛᱩᱢ ᱛᱮᱜᱤ ᱰᱷᱤᱨ ᱩᱯᱲᱩᱢ ᱢᱮᱱᱟᱜ ᱛᱟᱭᱟ ᱾ ᱱᱩᱭ ᱫᱚ ᱟᱢᱮᱨᱤᱠᱟ ᱨᱮᱱ ᱚᱱᱚᱞᱤᱭᱟᱹ ᱩᱪᱷᱟᱹᱱᱤᱭᱟᱹ entrepreneur ᱟᱨ ᱢᱟᱪᱮᱫ ᱮ ᱛᱟᱦᱮ ᱠᱟᱱᱟ ᱾
ᱢᱟᱨᱠ ᱴᱚᱭᱮᱱ ᱫᱚ ᱓᱐ ᱱᱚᱵᱷᱮᱢᱵᱚᱨ ᱑᱘᱓᱕ ᱥᱮᱨᱢᱟ ᱨᱮ ᱢᱤᱥᱚᱣᱨᱤ ᱨᱮᱱᱟᱜ ᱯᱷᱞᱚᱨᱤᱰᱟ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱫᱚ ᱡᱚᱱ ᱢᱟᱨᱥᱮᱞ ᱠᱞᱮᱢᱚᱱ ᱟᱨ ᱡᱮᱱ ᱨᱮᱱ ᱮᱭᱟᱭ ᱜᱚᱴᱮᱜ ᱜᱤᱫᱽᱨᱟ ᱢᱩᱫᱽ ᱛᱩᱨᱩᱭᱤᱜ ᱜᱤᱫᱽᱨᱟ ᱠᱟᱱᱟᱭ ᱾ ᱮᱭᱟᱭ ᱜᱚᱴᱮᱜ ᱢᱩᱫᱽ ᱨᱮ ᱠᱷᱟᱹᱞᱤ ᱯᱮ ᱦᱚᱲ ᱜᱮ ᱵᱟᱞᱮ ᱩᱢᱮᱹᱨ ᱫᱚ ᱠᱚ ᱯᱟᱨᱚᱢ ᱫᱟᱲᱮ ᱟᱠᱟᱫᱟ ᱾ ᱟᱨ ᱵᱟᱝᱠᱷᱟᱱ ᱡᱚᱛᱚ ᱵᱚᱭᱦᱟ ᱜᱮ ᱠᱚ ᱜᱚᱡ ᱮᱱᱟ ᱾ ᱟᱡ ᱵᱟᱵᱟ ᱫᱚ ᱮᱴᱚᱨᱱᱭ(attorney) ᱟᱨ ᱡᱚᱡᱽ(judge) ᱮ ᱛᱟᱦᱮ ᱠᱟᱱᱟᱹ ᱟᱡ ᱵᱟᱵᱟ ᱫᱚ ᱱᱤᱣᱢᱚᱱᱤᱭᱟ ᱧᱟᱢ ᱠᱟᱛᱮᱜ ᱑᱘᱔᱗ ᱥᱮᱨᱢᱟ ᱨᱮᱭ ᱜᱚᱡ ᱮᱱᱟ ᱾ ᱤᱱᱡᱚᱠᱷᱚᱡ ᱢᱟᱨᱠ ᱴᱚᱭᱮᱱ ᱫᱚ ᱑᱑ ᱥᱮᱨᱢᱟ ᱩᱢᱮᱹᱨᱮ ᱛᱟᱦᱮ ᱠᱟᱱᱟ ᱾
᱑᱘᱓᱕ ᱥᱮᱨᱢᱟ ᱨᱮ ᱦᱮᱞᱤᱨᱮᱱ ᱵᱷᱩᱨᱠᱟᱹᱜ ᱤᱯᱤᱞ ᱛᱤᱱ ᱡᱚᱠᱷᱚᱡ ᱨᱟᱠᱟᱵ ᱠᱟᱛᱮᱜ ᱫᱷᱟᱹᱨᱛᱤ ᱨᱮᱱᱟᱜ ᱥᱩᱨ ᱨᱮᱭ ᱦᱮᱡ ᱞᱮᱱ ᱤᱱ ᱵᱟᱨ ᱦᱟᱯᱛᱟ ᱛᱟᱭᱚᱢ ᱜᱮ ᱢᱟᱨᱠ ᱴᱚᱭᱮᱱ ᱟᱜ ᱡᱟᱢᱟ ᱦᱩᱭᱞᱮᱱᱟ ᱾ ᱑᱙᱐᱙ ᱥᱮᱨᱢᱟ ᱨᱮ ᱢᱟᱨᱠ ᱴᱚᱭᱮᱱ ᱮ ᱢᱮᱱ ᱞᱮᱫᱟ "ᱢᱤᱫ ᱵᱷᱩᱨᱠᱟᱹᱜ ᱤᱯᱤᱞ ᱨᱟᱠᱟᱵ ᱨᱮ ᱤᱧᱟᱜ ᱡᱟᱱᱟᱢ ᱦᱩᱭ ᱟᱠᱟᱱᱟ, ᱟᱨ ᱢᱤᱫ ᱵᱷᱩᱨᱠᱟᱜ ᱤᱯᱤᱞ ᱨᱟᱠᱟᱵ ᱨᱮ ᱜᱮ ᱤᱧ ᱦᱚᱸ ᱪᱟᱞᱟᱜ ᱞᱟᱜᱟᱣᱟᱹᱧᱟ ᱾"
ᱩᱱᱤᱭᱟᱜ ᱠᱟᱛᱷᱟ ᱞᱮᱠᱟ ᱜᱮ ᱒᱑ ᱮᱯᱨᱤᱞ ᱑᱙᱑᱐ ᱥᱮᱨᱢᱟ ᱨᱮ ᱵᱷᱩᱨᱠᱷᱟᱹᱜ ᱤᱯᱤᱞ ᱨᱟᱠᱟᱵᱚᱜ ᱠᱟᱛᱮᱜ ᱫᱷᱟᱹᱨᱛᱤ ᱥᱩᱨ ᱨᱮ ᱦᱮᱡ ᱨᱮᱱᱟ ᱢᱤᱫ ᱫᱤᱱ ᱛᱟᱭᱚᱢ ᱜᱮᱭ ᱜᱚᱡ ᱮᱱᱟ ᱾
This article uses material from the Wikipedia ᱥᱟᱱᱛᱟᱲᱤ article ᱢᱟᱨᱠ ᱛᱣᱟᱭᱤᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.