Пётр Александрович Чихачёв (1808 чылдың август 16 , Гатчина, Санкт-Петербург губерниязы — 1890 чылдың октябрь 13, Флоренция, Тоскана, Италия) — географ, геолог база аян-чорукчу.
Пётр Александрович Чихачёв | |
---|---|
Төрүттүнген хүнү: | 16 (28) августтуң 1808 |
Төрүттүнген чери: | |
Мөчээн хүнү: | 1890 октябрьның 13 (82 хар) |
Мөчээн чери: | |
Чурт: | |
Эртем сферазы: | ботаника[d], путешествие[d], География биле геология |
Альма-матер: |
Гатчины хоорайның директорунуң бажыңынга төрүттүнген.
1820 чылда адазы ажылындан үне бергенде, Царское Село хоорайга чурттай бергеннер. Бажыңынга эртем чедип, Петербургтуң университединче кирип алгаш, даштыкы чурттардан бээр лекциялар дыңнап чораан.
Өоредилгезиниң соонда 1830 чылда дипломаттыг корпусче кирип алгаш, Константинопольда Россияның элчин черинге ажылдай берген.
1835 чылдан тура бодун географияга, аян-чорукка, эртем-шинчилел ажылынга бердинипкен.
1842 чылда Алтайже ол черниң физика-географтыг байдалын, география база геологиязын шинчилээр экспедицияга чораан. Ол уеде аңаа кээп чорааш, Тываның девискээринче кирип, Тыва чурттуң географиязының, төөгузүнүң, геологиязының баштайгы шинчилекчизи деп адаттынып чоруур.
Ол экспедицияның түңнелинде «Путешествие в Восточный Алтай», деп ажылы Парижке 1845 чылда үнген («Voyage scientifique dans l’Altaï oriental et les parties adjacentes de la frontière de Chine par Pierre de Tchihatcheff…»).
Петр Александровичиниң кол ажыдыышкыны — Кузнецкиде хөмүр-даш чыдынын ажытканы.
Петр Александровичиниң ады-биле Алтайда улуг кырларның бирээзи — Чихачёв кырларын адаан, аңаа ол уезинде шинчилел ажылдарын кылып турган.
1863 чылдан 1864 чылга чедир Армения, Курдистан, Чөөн Фракия база Биче Азияже 8 экспедицияларны баштаан.
Американың Каттышкан Штаттарынга аян-чорук кылып чорааш, Россия биле АКШ-тың келир үези күчүлүг боорун чугаалап чораан.
Орус Географтыг Ниитилелдиң кежигүнү.
1869 чылда өгленип алгаш, Флоренцияга чурттап чорааш, аңаа чок болган.
This article uses material from the Wikipedia Тыва article Чихачёв, Пётр Александрович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент CC BY-SA 4.0 лицензия аайы-биле (өскези айыттынмаан болза) ажык. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тыва (DUHOCTRUNGQUOC.VN) is an independent company and has no affiliation with Wiki Foundation.