Мижит, Эдуард Баирович
Эдуард Баир оглу Мижит (орус. Эдуард Баирович Мижит англ. Eduard Bair oglu Mizhit апрель 22, 1961 төр.
- 29 Он бир айның 2023) — тыва чогаалчы, шүлүкчү, очулдурукчу, шии бижикчизи, Тыва Улустуң чогаалчызы. Россияның Чогаалчылар болгаш Театр ажылдакчыларының эвилелдериниң кежигүнү. Тыва Республиканың Чогаалчылар Эвилелиниң даргазы, "Улуг-Хем" сеткүүлдүң кол редактору.
| Эдуард Баирович Мижит | |
|---|---|
 | |
| Төрүттүнген хүнү | 1961 апрельдиң 22 |
| Мөчээн хүнү | 2023 ноябрьның 29 (62 хар) |
| Чурт | |
Намдары
1961 чылдың апрель 22-де Тыва АССР-ниң Улуг-Хемде Торгалыг сумузунга төрүттүнген. А.М. Горький аттыг Литературлуг институтту 1993 чылда дооскан. Тываның ном үндүрер черинге база «Улуг-Хем» сеткүүлүнге редакторлап, «Тываның аныяктары» солунннуң кол редактору болуп, В. Көк-оол аттыг хөгжүм-шии театрының литературлуг килдизинге эргелекчилеп, Тыва Республиканың Чазааның чанында Тываның гуманитарлыг шинчилгелер институдунуң литература секторунда ажылдап чораан.
«Кезерниң балдызы» (1990), «Бузундулар» (1992), «Бөдүүн одуруглар» (2006), «Казыргылыг кудуктуң кыйгызы» (2002), «Кара-Дагның казыргызы» (2004), «Туман өттүр отчугаштар» (2010), дээш оон-даа өске номнарны бижээн. Тыва дылче А. Пушкинниң, А. Чеховтуң, А. Островскийниң, В. Шекспирниң, М. Тикамацунуң, Р. Томаның, Л. Бернстайнның, Э. Понуң болгаш өскелерниң-даа чогаалдарын очулдурган. «Чиргилчиннер», «Кым сен, Субедей-Маадыр?», «Өргүл», «Кара-Дагның казыргызы» деп шиилерин бижээн, оларны Тываның В. Ш. Көк-оол аттыг хөгжүм-шии театрының сценазынга тургускан.
Шаңналдары база аттары
- лауреат Гран-при международного фестиваля тюркоязычных театров (2000)
- Лауреат премии Министерства культуры и кино Республики Тыва (2004)
- «Культура» солуннуң лауреады (Москва)
- Тыва Республиканың культураның алдарлыг ажылдакчызы
- Тываның улусчу чогаалчызы (2011)
Кол парлаан чүүлдери
- «Палица Гэсэра» (1990) шүлүктер
- «Бузундулар» (1992) шүлүктер
- «Зов взвихренного колодца» (2002) верлибры
- «Бөдүүн одуруглар» (2006) шүлүктер, шүлүглелдер
- «Туман өттүр отчугаштар» (2008) шүлүктер
- «Кара-Дагның казыргызы» шии
- «Чиргилчиннер» шии
- «Кым сен, Субедей-Маадыр?» шии
- «Өргүл» шиилер база өскелер.
Дөзү
 | Бо дээрге белеткеп каан чүүл-дүр. Эдип база немеп тургаш, ук төлевилелге дузалап болур силер. |
This article uses material from the Wikipedia Тыва article Мижит, Эдуард Баирович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент CC BY-SA 4.0 лицензия аайы-биле (өскези айыттынмаан болза) ажык. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тыва (DUHOCTRUNGQUOC.VN) is an independent company and has no affiliation with Wiki Foundation.