Дүжер-Меде

Ооң янзылары колдуунда Ортаадалай кавызында черлерге өзер. Тывада дүжер-медениң 3 хевири бар. Төвүт медицинада эм чүүл кылдыр дүжер-медениң шупту хевирлерин ажыглап турар.

Адының тывылганы

Аймааның латин ады Medicágo болза грек μηδική (πόα) сөстен келген, утказы болза: «мидий (оът)» - Мидиядан Грецияже келген болгаш. Орус адының тывылганы: латин "lucere" — "светить" деп сөс болза чадапчок.

Тывада бар хевирлери

Дүжер-меде хмель хевирлиг - (орус. Люцерна хмелевидная);
Дүжер-меде тарымал - (орус. Люцерна посевная);
Дүжер-меде кадыырзыг - (орус. Люцерна серповидная).

Өзүп үнүп турар черлери

Кургаг шыктарлыг ийлер, кужурларлыг шыктар, элезиннер, чыдымнар, ховулар, даглар эдектери болгаш ховуланы берген шыктар.

Хереглеттинер чүүлдери: сигени.

Белеткээр үелери: июнь-август.

Ажыглаары

Кургадып каан чечектерлиг сывын нерви аарыгларында мага-бот оожургадыр чүүл кылдыр ажыглап турар. Сугга хандылап алгаш, ижип эмненир.

Төвүт медицинада

Төвүт ады: "Бу-су-хаң" - Кадыырзыг дүжер-меде.

Хереглеттинер чүүлдери: сигени.

Ажыглаары: өкпе аарыгларында ижер, а оон ыңай балыгларны экиртир эмнээрде, примочкалар кылыр.

Дөзүк

Серенот Станислав К. "Тыва улусчу эмнээшкин:эм оъттар, үнүштер, чааттар, мөөгүлер; моол, тибет, кыдат улусчу медициналар-биле чергелештирип бижээни". Тываның ном үндүрер чери, 2009. ISBN 5-7655-0636-4

This article uses material from the Wikipedia Тыва article Дүжер-меде, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент CC BY-SA 4.0 лицензия аайы-биле (өскези айыттынмаан болза) ажык. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тыва (DUHOCTRUNGQUOC.VN) is an independent company and has no affiliation with Wiki Foundation.