Сароджини Найду (13 февраль 1879 чыл, Хайдарабад — 2 март 1949 чыл, Лакхнау) — индии херээжен шүлүкчү, Индияның Англиядан хостаар ажылдың идепкейжи киржикчизи.
Индияның национал конгрезиниң бирги херээжен президентизи база бир дугаар херээжен губернатор .
Сароджини Найду | |
---|---|
| |
Төрүмел ады | англ. Sarojini Chattopadhyay |
Төрүттүнген хүнү | 1879 февральдың 13[…] |
Төрүттүнген чери | |
Мөчээн хүнү | 1949 марттың 2 (70 хар) |
Мөчээн чери | |
Хамаатызы (албатызы) | |
Ажыл-херээ | поэтесса, политик, активистка движения за независимость, писательница, борец за свободу |
Чогаадыкчы дылы | Англи дыл |
Хол үжүү |
Сароджини Найду 1879 чылдың февраль 13-те Агоренат Чатопадайның өг-бүлезинге 8 ажы-төлдүң улуу кылдыр төрүттүнген. Найдунуң ачазы Эдинбург университединге доктора ат чедип алгаш, Хайдарабадка чурттай берген, аңаа ол колледж тургузуп алгаш, ону удуртуп турган.
Ооң ачазы ону математик азы эртемден боорун күзеп чораан, ынчалза-даа Найду шүлүк чогаалынга сонуургалдыг болганы-биле англи дылда шүлүк бижип эгелээн (Найду урду, телугу, англи, бенгал база персид дылдарны билир турган). Он ийи харлыында ол алдарлыг апарып, Мадрас университединче кирип алган.
1895 чылда Найду Англияже өөредилгезин доозуп чорупкан. Аңаа ол Лондоннуң хаан колледжинге, ооң сонда Кембриджте Гиртон-колледжке өөренген.
Махатма Гандиниң кыйгызы-биле Сароджини хамааты удурланыышкынга идепкейлиг киржип, Индияны хостаар ажыл иштиң бир киржикчизи болган. Ол дээш хоругдадп шаг болган.
1925–1926 чылдарда Индий национал конгресстиң даргазы болуп турган.
Сароджини 150 ажыг лириктиг шүлүктерни бижээн, олары дараазында чыыштарже кирген: «Алдын эргин / Золотой порог» (The golden threshold, 1905 чыл), «Үениң кужу / Птица времени» (The bird of time, 1912 чыл), «Сыйылган чалгын / Сломанное крыло» (The broken wing, 1917 чыл). Соонда барып оларны чаңгыс «Хаан флейтазы / Царственная флейта» деп чыышка каттыштырган. Бодунуң шүлүктеринде Найду Индияның шүлүкчүткен чурумалдарын тургускан. Ооң шүлүктери инди дылче болгаш Европаның өске-даа дылдарынче очулдурттунган. Ору дылче ооң шүлүктерин Самуил Яковлевич Маршак очулдурган.
This article uses material from the Wikipedia Тыва article Найду, Сароджини, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент CC BY-SA 4.0 лицензия аайы-биле (өскези айыттынмаан болза) ажык. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тыва (DUHOCTRUNGQUOC.VN) is an independent company and has no affiliation with Wiki Foundation.