Люксембург Мамер Мәчете

Төп мәкалә: Люксембургта ислам

Люксембург Конституциясе ватандашларына дин тоту иреге тәэмин итә. Католиклар Люксембургның диндар халкының төп өлешен (якынча 95%) тәшкил итә. Дини конфессияләр арасында икенче урында — ислам. 1979 елда кабул ителгән канун буенча, ил хөкүмәте дин турында мәгълүмат җыюны тыя.

1995 елдан башлап илдә корбан чалу һәм шәригать буенча терлек сую тыела, ит читтән кертелә.

1970-елларга кадәр Люксембургның мөселман халкы зур булмаган. 1970-еллар уртасында ~300 гә якын кеше исәпләнә, ә 1990-еллар уртасында мөселманнар саны 10 000 кешегә кадәр арткан. Шул вакыттан бирле халык элеккеге Югославия илләреннән сыену урыны сорап килүчеләр, нигездә, босниялеләр хисабына, шулай ук Албания, Косово, Сербия, Каратау мөһаҗирләре исәбенә арткан. Люксембург мәчетләре имамнары — Балканнан чыккан руханилар. Вәгазьләр гарәп, хорват, француз, инглиз телләрендә укыла. Илдәге унлап мәчет күзгә ташланып тормый, чөнки гадәти торак йортларда урнашкан.

 

Катар хәйрия фонды(ингл.)татар. (QC) 10 мең мөселман яшәүче Люксембург дәүләтендә беренче ислам үзәген булдыру турында игълан итә. Үзәкне шәех Хамад бин Насер бин Җассим Әл-Тани (Hamad bin Nasser bin Jassim al-Thani) нигезли. Үзәк Люксембург шәһәрендәге ~3 мең мөселман өчен эшли. Бәясе 2,2 млн евро тәшкил иткән объектка мәчет, мәктәп, юридик үзәк һәм яшьләр өчен белем бирү үзәге керә. Үзәкнең гомуми мәйданы 650 квадрат метр. Катар хәйрия фонды проект бәясенең 75 % ын кертә, үзәкнең проектын Люксембург ислам җәмгыяте тормышка ашыра.

Бөек Люксембург Герцоглыгының Ислам мәдәният үзәген ачу тантанасында Катарның Люксембург белән Бельгиядәге илчесе Али бин Җассим Әл-Тани, Люксембург мэры Лидия Польфер(ингл.)татар., архиепископ Жан-Клод Холлерих һ. б. дин вәкилләре катнаша. Ислам җәмгыяте рәисе Мөхсин Макни (Mohsen Maqni) Ислам мәдәният үзәген ачу тантанасында катнашучыларны сәламләп, мөселман җәмгыяте үсешенә керткән өлешләре өчен рәхмәт белдерә. Ачылу тантанасыннан соң рәсми һәм дәрәҗәле затлар үзәктә була.

Үзәктә мәчет, гарәп телен һәм Коръәнне өйрәнү өчен сыйныф бүлмәләре, дәгъвәт бүлеге урнашкан.

Үзәкнең эшчәнлеге Люксембургта мөселманнарның уңай интеграцияләнүен хуплауга, аларга үзләренең дини һәм мәдәни үзенчәлекләрен сакларга, мөселман азчылыгы балаларын өзлексез укытуга һәм үстерүгә, мөселманнар белән башка диннәр һәм идеяләр арасында мәдәни диалогны киңәйтүгә, мөселман һәм башка диннәр арасында мәдәни диалогны киңәйтүгә юнәлдерелгән.

Франция, Алмания, Бельгия арасында стратегик уңайлы урнашуга бәйле, әлеге үзәк күрше илләр мөселманнары өчен дә хезмәт итәр дигән өмет бар.

• Ислам мәдәният үзәге сайты