Әүфәр Зәкиев

Татарстанның атказанган төзүчесе (1980).

Әүфәр Зәкиев
Туган телдә исем	Әүфәр Зәки улы Зәкиев
Туган	16 апрель 1938(1938-04-16) Сарысаз-Тәкермән, Сарман районы, Татарстан АССР, ССРБ
Үлгән	2 февраль 1994(1994-02-02) (55 яшь) Казан
Милләт	татар
Ватандашлыгы	СССР  Россия
Әлма-матер	Казан дәүләт архитектура-төзелеш университеты
Һөнәре	төзүче, җитәкче
Ата-ана	Зәки Гәрәев (әти)
Бүләк һәм премияләре	,

1938 ел ның 16 апрелендә Татарстан АССРның Ворошилов районы (хәзерге Сарман районы) Сарысаз-Тәкермән авылында туа. Гаиләдә 6 нчы бала. Әнисе атаклы Хәлфиннәр нәселеннән. Әтисе мулла Зәки Гәрәевне “халык дошманы” дип, 1937 ел да кулга алалар һәм Минзәлә төрмәсендә атып үтерәләр.

Теләнче-Тамак авылында урта мәктәпне (1955), Казанда төзүчеләр техникумын (1958), Казан төзүче-инженерлар институтын (1968) тәмамлый.

1959-1962 елларда хәрби хезмәттә.

• 1958 елдан «Таттөзелеш» трестының Куйбышевтагы (Татарстан) 2 нче төзелеш трестында мастер булып эшли.
• 1962 елдан 2 нче төзелеш трестының 10 нчы төзү-монтажлау идарәсендә инженер.
• 1969-1974 елларда – КПСС ның Татарстан өлкә комитетында төзелеш бүлеге хезмәткәре.
• 1974-1980 елларда «Баштаттөзелеш»нең 2 нче трестында баш инженер, аннары трест идарәчесе.
• 1980-1987 елларда «Таттөзелеш» концерны җитәкчесе урынбасары, 1987 елдан баш инженер.

• Татарстан Республикасының Габдулла Тукай исемендәге дәүләт премиясе (1981) - аның җитәкчелегендә Казанда төзелгән Татарстан рәссамнарының күргәзмә залы өчен.
• Татарстанның атказанган төзүчесе (1980).
• Хөрмәт Билгесе ордены.

• Күп мәртәбәләр Казан шәһәр Советы депутаты булып сайлана.
• ССРБ Төзүчеләр фәнни-техник оешмасының үзәк комитеты әгъзасы.

• Казанның бер урамы (Совет районы Азинода) аның исемен йөртә.

1. Сарман районы энциклопедиясе (төзүче Дамир Гарифуллин). 1 нче китап: Чаллы, 2010, 84 бит.
2. Бишегем: Теләнче Тамак (автор-төзүчеләр Рубис Зарипов, Ландыш Фазуллина). Казан: Ихлас, 2012 ISBN 978-5-904735-69-2

• Зәкиев Әүфәр Зәкиевич «Милләттәшләр.ру» сайтында (рус.)