Dipuo Tsa Mo Botswana
Puo ya sekgowa ke yone ya semmuso mo Botswana, fa Setswana sone e le teme ya sechaba.
Puo ya Sekgowa e e adimilweng ka nako ya Botswana a santse a le ka fa tlase ga puso ya ga MmaMosadinyana, ke yone teme e e dirisiwang mo go tsa semmuso le mo dipuisanong tsa mokwalo. Bontsi jwa Batswana ba bua Setswana, mme diteme tse dingwe di ka fetsa masome a mabedi le tso di a buiwa. Dingwe tsa diteme tsa lefatshe di gomagomediwa ke go nyelela.
| Languages of Botswana | |
|---|---|
| Official | English, Tswana |
| National | Tswana, Ikalanga, Seherero |
Dipuo tsa semmuso le tsa sechaba
Teme ya semmuso e e kwalwang mo Botswana ke puo ya Sekgowa. Dipuisano tse di kwadilweng le melaetsa ya semmuso ka bontsi di kwalwa ka puo ya Sekgowa. Puo ya Batswana e eleng Setswana ke puo ya sechaba ya Lefatshe le, mme ebile e buiwa ke bontsi jwa batho mo Lefatsheng.
Dipuo tse dingwe
Ko ntle ga Sekgowa le Setswana, diteme tse dingwe di a buiwa mo Lefatsheng. Banni ba lefatshe ba feta masome a ferabongwe mo lekgolong ba bua dipuo tsa Bantu ele tsone diteme tse ba godisitsweng ka tsone. Go ya ka World Factbook ya ba CIA, dipuo tsa Bantu tse di buiwang go gaisa ke Setswana - se buiwa ke masome a supa le bosupa mo lekgolong la banni ba lefatshe, Sekalaka se buiwa ke bosupa mo lesomeng la banni, Sekgalagadi se buiwa ke boraro mo lesomeng, Seshona se buiwa ke bobedi mo lesomeng, Sembukushu se biuwa ke bongwe mo lesomeng, Setebele se buiwa ke bongwe mo lesomeng, Setshwa se buiwa ke bongwe mo lesomeng, SeXoo le seTuu di buiwa ke palo e ko tlase ga bongwe mo lesomeng. Sekgowa se dirisiwa e le puo ya ntlha ke bobedi go ya ko borarong jwa lesome, mme palo e potlana e bua Seburu.
Palo ya diteme tse di buiwang mo Botswana ke masome a mararo le bongwe. Tsotlhe ele diteme tse di santseng di le teng. Mo go tsone, di le masome a mabedi le borataro ke tse di tlholegileng mo Botswana, di le tlhano ga di a tlholega mo Botswana. Di le nne di dirisiwa thata, di le boferabongwe ke tse di tsweletseng ka go gola, di ferabobedi di dirisiwa mo puong mme di latlha boleng, fa ele nngwe e gomagomediwa ke go nyelela.
Diteme tse di buiwang
Metswedi
Bala mo go tseneletseng
- Chebanne, Andy Monthusi (2008). "A sociolinguistic Perspective of the Indigenous Communities of Botswana" African Study Monographs. Kyoto University: The Center for African Area Studies. 29 (3): 93–118. doi:10.14989/66231.
- Chabanne, Andy Monthusi (2012). "Where Are the 'Skeletons' of Dead Khoisan Languages?" Botswana Notes and Records. Botswana Society. 44: 81–92. JSTOR 43855562. Retrieved 26 September 2020.
- Ramsay, Jeff; Morton, Barry; Morton, Fred (1996). Historical dictionary of Botswana. Lanham: Scarecrow Press. ISBN 0810831430.
- Vossen, Rainer, ed. (2013). The Khoesan Languages. Psychology Press. ISBN 9-780-70071-289-2.
Etela gape
Dipadi tse dingwe
- Ethnologue listing of Botswana languages (subscription required)
- A list of endangered languages in Botswana from the Endangered Languages Project (ELP)
- The Kalahari Basin area: a 'Sprachbund' on the verge of extinction, from the Kalahari Basin area project (KBA)
This article uses material from the Wikipedia Setswana article Dipuo tsa mo Botswana, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tshedimosetso e teng ka fa tlase ga CC BY-SA 4.0 ntle le fa go supilwe ka tsela e nngwe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Setswana (DUHOCTRUNGQUOC.VN) is an independent company and has no affiliation with Wiki Foundation.