Sunog Sa Notre-Dame Ng Paris: 2019 na sunog sa Katedral ng Notre Dame sa Paris, Pransiya

Nang matapos nang mapuksa ang sunog makalipas ng labinglimang oras, matagal nang gumuho ang bubong at ang toreng patulis at ang looban ng katedral, pang-itaas na dingding, at mga bintana ay napinsala nang matindi. Napigilan ang mas malawak pang pinsala sa loob dahil sa bato nitong kisame na humarang sa pagbagsak ng nasusunog na bubong. Maraming mga gawang sining at iba pang mga kayamanan ang naisalba palabas noong unang bahagi ng sunog, ngunit marami pang ibang nasira o nawasak. Kaunti o walang pinsala ang natamo ng dalawang organong tubo ng katedral, at ng tatlong mga bintanang rosas na ginawa noong ika-13 siglo.

Sunog sa Notre-Dame ng Paris

Tanawin mula sa Place Saint-Michel, mga isang oras makalipas ang simula ng sunog
Oras	18:50 CEST (16:50 UTC)
Haba	15 hours
Petsa	15 Abril 2019; 5 taon na'ng nakalipas (2019-04-15)
Pook ng pangyayari	Katedral ng Notre-Dame
Lugar	Paris, Pransiya
Mga koordinado	48°51′11″N 2°20′59″E / 48.8530°N 2.3498°E / 48.8530; 2.3498
Mga namatay	0
Mga nasugatan	3; isang bumbero at dalawang pulis
Danyos sa ari-arian	Sirang bubong at bagsak na toreng patulis; pinsala sa mga bintana at batong kisame

Ipinangako ni Pangulong Emmanuel Macron na aayusing muli ng Pransiya ang katedral at inilunsad niya ang isang kampanyang mangangalap ng pondo na nagdala ng mga pangako ng €800 milyon sa loob ng 24 na oras. Tinataya na ang pagsasaayos ng katedral ay maaaring tumagal ng dalawampu o higit pang mga taon.