Pagpapakita Ng Panginoon
Ang Pagpapakita ng Panginoon o Epipanya (Ingles: Epiphany, (Griyegong Koine: ἐπιφάνεια, epiphaneia, manipestasyon, kagila-gilalas na kaanyuan) o Teopanya (Ingles: Theophany), (Sinaunang Griyego (ἡ) Θεοφάνεια, Τheophaneia) na may ibig sabihing pagkatanaw sa Diyos, na pangtradisyong bumabagsak tuwing Enero 6, ay isang Kristiyanong araw ng kapistahan na nagdiriwang ng rebelasyon ng Diyos Anak bilang isang tao sa katauhan ni Hesukristo.
Pangunahing (subalit hindi lamang ito) inaalala ng mga Kristiyanong Kanluranin ang pagdalaw ng Pambibliyang Mago sa Sanggol na Hesus, kung kaya't ang manipestasyong pisikal o pagkakatawang-tao ni Hesus sa mga Hentil. Inaalala ng mga Kristiyanong Silanganin ang pagbibinyag kay Hesus sa Ilog ng Hordan, na tinatanaw bilang manipestasyon ni Hesus sa daigdig bilang Anak ng Diyos.
Sa payak na mga pananalita, ang Epipanya ay isang paglitaw o pagsipot, pagpapakita; o dili kaya ay isang pagpapahayag ng kabanalan, at pangyayaring ispirituwal kung saan ang katuturan ng isang bagay ay ipinakikita sa isang tao. Ito rin ay nakikilala bilang kapistahan ng Tatlong Haring Mago tuwing Enero 6.
Mga sanggunian
This article uses material from the Wikipedia Tagalog article Pagpapakita ng Panginoon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maaaring gamitin ang nilalaman sa ilalim ng CC BY-SA 4.0 maliban kung nabanggit. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tagalog (DUHOCTRUNGQUOC.VN) is an independent company and has no affiliation with Wiki Foundation.