Mga Pag-Atake Sa Paris Noong Nobyembre 2015

Simula ng 21:20  CET, tatlong katao ang nagpasabog ng sarili malapit sa Stade de France sa Saint-Denis, na sinundan ng iba pang mga suicide bombing at malawakang barilan sa mga kapihan, restawran at ganapan ng musika sa Paris.

Mga pag-atake sa Paris noong Nobyembre 2015
Mga tagpuan ng pag-atake. Sumusugnay ang mga bituin sa mga suicide bombing o pagpapasabog sa sarili (maliban sa Bataclan)
Lokasyon	Paris at Saint-Denis, Pransiya
Petsa	21:20, 13 Nobyembre 2015 (2015-11-13T21:20) – 00:58, 14 Nobyembre 2015 (2015-11-14T00:58) (CET)
Target	1: Malapit sa Stade de France 2: Rues Bichat at Alibert (Le Petit Cambodge; Le Carillon) 3: Rue de la Fontaine-au-Roi (Café Bonne Bière; La Casa Nostra) 4: Ang teatrong Bataclan 5: Rue de Charonne (La Belle Équipe) 6: Boulevard Voltaire (Comptoir Voltaire)
Uri ng paglusob	Malawakang barilan, suicide bombing, Pagbibihag
Sandata	Mga ripleng AK-47 mga granada mga suicide belt
Namatay	130 mga biktima 7 na may pakana
Nasugatan	368 (80–99 na kritikal)
Salarin	Siyam na katao, bilang bahagi ng Islamikong Estado ng Iraq at Levant (ISIL)

Tatlong grupo ang nagsagawa ng anim na natatanging pag-atake: Tatlong mga suicide bombing sa isang pag-atake, isang ika-apat na suicide bombing sa isa pang pag-atake, at barilan sa apat na tagpuan sa apat na magkakahiwalay na pag-atake. Ang mga barilan ay naiulat na nangyari sa loob ng rue Alibert, rue de la Fontaine-au-Roi, rue de Charonne, teatrong Bataclan, at sa avenue de la République. Tatlong pagsabaog ang nangyari malapit sa Stade de France, at isa pa sa boulevard Voltaire, at dalawa sa mga mamamaril sa Bataclan ang nagpasabog ng kanilang sarili habang winakas ng pulisya ang insidente. Ayon sa isang prosecutor sa Paris, ang mga nag-atake ay may suot ng mga suicide vest na gumamit ng acetone peroxide bilang pangsabog.

Tugong lokal

Ang hashtag #portesouvertes ("buksan ang pintuan") ay ginamit ng mga Parisyano para umalok ng tahanan sa mga takot na umuwi ng bahay matapos ang mga pag-atake.

Katulad na nangyari noong Enero matapos ang mga pag-atake sa Charlie Hebdo, ang Place de la République ay naging tagpuan ng mga pagluluksa, pagaalaga at pagpupugay. Isang pang-alaala ay agarang inalagay malapit sa teatrong Bataclan. Noong Nobyembre 15, dalawang araw matapos ang mga pag-atake, isang misang pang-alaala ang idinaraos sa Notre Dame Cathedral, na pinagunahan nila Kardinal André Vingt-Trois ang Arsobispo bg Paris, na idinaraos ng ilang mga pulitiko at relihiyosong personalidad.

Ang mga organisasyong Muslim sa France, katulad ng Union of Islamic Organisations of France, ay malakas na ikinondena ang mga pag-atake sa Paris. Ang mga pag-atake ay nakaapekto sa mga negosyo at kilalang mga lugar at bilihan sa Paris at nagdulot ng pagkabahala sa maraming Parisyano na ang mga pag-atake ay magdudulot sa pagkadiskrimina sa mga Muslim sa lungsod. Walang magkatulad na panawagan sa pagkakakaisa sa mga Muslim, noong kakatapos ang pag-atake noong Enero. Ang bentahan ng watawat ng Pransiya, na malimit na ipinapakita ng mga Pranses bago ang mga pag-atake, ay lubhang tumaas matapos ang mga pag-atake.