Ariana Debose

Si Ariana DeBose ( /ˌɑːriˈɑːnə dəˈboʊz/ ; ay ipinanganak noong Enero 25, 1991. Sya ay isang Amerikanang artista. Nakatanggap siya ng iba't ibang mga parangal, kabilang ang isang Academy Award, isang British Academy Film Award, isang Golden Globe Award, bilang karagdagan sa mga nominasyon para sa isang Tony Award at isang Primetime Emmy Award. Noong 2022, pinangalanan siya ng Time magazine na isa sa 100 pinaka-maimpluwensyang tao sa mundo.

Ariana DeBose
Si DeBose noong 2022
Kapanganakan	(1991-01-25) 25 Enero 1991 (edad 33) Wilmington, North Carolina, U.S.
Trabaho	Aktres
Aktibong taon	2009–kasalukuyan
Parangal	Full list
Website	arianadebose.com

Si DeBose ay isang kalahok sa ikaanim na season ng So You Think You Can Dance noong 2009, kung saan nagtapos siya sa top 20. Ginawa niya ang kanyang unang labas sa Broadway sa Bring It On: The Musical noong 2011 at ipinagpatuloy ang kanyang trabaho sa Broadway na may mga tungkulin sa Motown: The Musical noong 2013 at Pippin noong 2014. Mula 2015 hanggang 2016, isa siya sa mga orihinal na miyembro ng ensemble sa musikal na Hamilton ni Lin-Manuel Miranda, at lumabas bilang Jane sa A Bronx Tale noong 2016 hanggang 2017. Noong 2018, siya ay hinirang para sa Tony Award para sa Best Featured Actress in a Musical para sa kanyang pagganap bilang Disco Donna sa Summer: The Donna Summer Musical. Nag-host din siya ng mga seremonya ng Tony Award noong 2022 at 2023.

Si DeBose ay lumabas din sa Netflix musical comedy film na The Prom noong 2020 at sa Apple TV+ musical comedy series na Schmigadoon! noong 2021 hanggang sa kasalukuyan. Nagkamit siya ng mas malawak na pagkilala para sa kanyang papel bilang Anita sa musical film ni Steven Spielberg na West Side Story noong 2021, at nanalo ng Academy Award para sa Best Supporting Actress. Sya din ang boses sa likod at pangunahing papel sa Disney animated film na Wish noong 2023.