Mätäji
Türkmen edebiýatynyň taryhynda uly yz galdyran şahyrlaryň biri-de Annagylyç Mätäjidir.
Annagylyç onuň çyn ady bolup, Mätäji edebi lakamydyr. Mätäji 1824-nji ýylda Aşgabat şäheriniň eteginde ýerleşýän Köşi obasynda dogulýar. Çagalykda ata-eneden jyda düşüp, agasy Sapargylyç bile ýetim galansoňlar, olara garyndaşlary hossar çykýarlar.
Şahyr başlangyç bilimi oba mekdebinde alýar. Ýöne maşgala güzerany zerarly medreselerde okap bilmänligi sebäpli, ol özbaşdak okap, halk döredijiligi hem-de öňki ýaşap geçen şahyrlaryň eserleri bilen içgin tanyşýar.
Mätäji daýhançylyk hem-de çagalary okatmak bilen meşgullanypdyr. Onuň Molladurdy, Orazmämmet atly ogullary bolupdyr. Molladurdy kakasynyň kesbini dowam etdirip, ökde şahyr bolup ýetişýär. Onuň “Hojaguly”, “Heşdek baý”, “Nury-imandyr okuw” ýaly goşgulary halk içinde meşhurlyk gazanýar.
Annagylyç Mätäji 1884-nji ýylda aradan çykýar.
salgylanma
This article uses material from the Wikipedia Türkmen article Mätäji, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Başga görkezilmedik bolsa, mazmun CC BY-SA 4.0 esasynda elýeterlidir. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Türkmen (DUHOCTRUNGQUOC.VN) is an independent company and has no affiliation with Wiki Foundation.