Сирки Давлатии Тоҷикистон
Сирки давлатии Тоҷикистон – яке аз муассисаҳои фарҳангию дилхушии тобеи Вазорати фарҳанги Тоҷикистон мебошад.
Сирки давлатии Тоҷикистон дар пойтахти Тоҷикистон – шаҳри Душанбе ҷойгир аст. Соли таъсисёбии Сирки давлатии Тоҷикистон – 1929
Таърих
Маънои калимаи "сирк" давра буда, саҳнаи давраи сирк, ки дар он ҳунармандон баромад мекунанд, ба дарозии 13-метр барои давиши аспон сохта шудааст. Аввалин маротиба 2 июни соли 1929 сирки тоҷик таъсис ёфт, ки сарварии онро Вилиамс (аввалин директори сирк) ба зимма дошт. Соли 1933 боз як гӯруҳи мукаммали нави сирки рӯи кор меояд. Сирки давлатии Тоҷикистон соли 1935 ба бинои нав кӯчид, ки дар паҳлӯи майдони варзишии «Спартак» ҷой гирифта, аз чӯбу тахта сохта шуда буд. Соли 1968 фаъолияти сирк аз нав таъсис дода мешавад. Моҳи декабри соли 1977 дар шаҳри Душанбе бинои нави муҳташами ҳозираи Cирки давлатии тоҷик дарҳои худро ба рӯи мухлисонаш боз мекунад. Аз 23 июли соли 1970 то соли 1991 муассисаи Сирки давлатии шаҳри Душанбе ба системаи "Союзгосцирк" дохил карда шуда буд. Соли 1992 Сирки шаҳри Душанбе ба ихтиёри Вазорати фарҳанги Ҷумҳурии Тоҷикистон гузашт ва дар базаи он Иттиҳодияи давлатии ҷумҳуриявии «Тоҷиксирк» таъсис дода шуд.
Ҳунарпешагон
Устодони сирки тоҷик, Ҳунарпешаи халқии ҶШС Тоҷикистон Пирназар Юсуфов, Ҳунарпешаи хизматнишондодаи ҶШС Тоҷикистон Тағоймурод Давлатов, Ҷамолиддин Садриддинов, Назриниссо Алиева, Сарват Беҳбудӣ, Абдуҷаббор Турдиев, Роман Ёқубов, Барон Даниэл ва Вансих Владимир (коргардони сирк), ҳунарпешагон - Раъно Ӯрунова, Оғулхон Тӯраева, Хоҷа Раҳматуллоро на танҳо дар ҷумҳурӣ, балки берун аз он ҳамчун ҳунармандони варзида мешинохтанд. Дар давраи таърихи муосири Тоҷикистон устодони сирки тоҷик фаъолитяташонро давом дода истодаанд.
Нигаред
Манобеъ
Роҳнамо (маълумотнома). Маълумотномаи омории Вазорати фарҳанги Ҷумҳурии Тоҷикистон. – Душанбе, 2010
Пайвандҳо
Сомонаи Вазорати фарҳанги Ҷумҳурии Тоҷикистон Бойгонӣ шудааст 2 май 2012 сол.
This article uses material from the Wikipedia Тоҷикӣ article Сирки давлатии Тоҷикистон, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Муҳтаво таҳти иҷозатномаи CC BY-SA 4.0 ва ё дигар дастрас аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тоҷикӣ (DUHOCTRUNGQUOC.VN) is an independent company and has no affiliation with Wiki Foundation.