Леони́д Абра́мович Гу́рвич (англ. Leonid Hurwicz; 21 август 1917, Маскав — 24 июн 2008, Миннеаполис, Миннесота) — иқтисоддони яҳудитабори амрикоӣ.
Таърихи таваллуд | 21 август 1917 |
---|---|
Зодгоҳ | |
Таърихи даргузашт | 24 июн 2008[…] (90 сол) |
Маҳалли даргузашт | |
Кишвар | |
Фазои илмӣ | илми иқтисод |
Ҷойҳои кор | |
Алма-матер | |
Ҷоизаҳо | |
Парвандаҳо дар Викианбор |
Соли 1938 баъд аз гирифтани унвони магистри ҳуқуқ аз Донишгоҳи Варшава таҳсилро дар Мактаби иқтисодии Лондон идома дод. Аз соли 1939, дар Швейсария зиндагӣ карда, таҳсилро дар Донишгоҳи таҳқиқоти байналмилалии Женева идома дода, дар семинарҳои илмии Людвиг фон Мизес ширкат варзидааст. Соли 1940 ба Амрико рафта, аввал ёвари Пол Самуэлсон баъдҳо профессор Институти технологии Масачусетс ва Оскор Ланге, профессор Донишгоҳи Чикаго кор кард. Замони ҷанг омӯзгори Донишкадаи метеорологияи Донишгоҳи Чикаго буд, ҳамзамон дар факултаи иқтисодӣ аз фанни омор дарс медод. Леонид Гурвич дар кори Комиссияи Коулс оид ба таҳқиқоти иқтисодӣ иштирок мекард (1942—1946 ва 1950-51). Ба Леонид Гурвич ва ҳамкоронаш муяссар гардид, ки назарияи ошкорсозии механизмҳои муассири тиҷоратӣ ва нақшаҳои танзими иқтисодиётро таҳия намоянд ва муайян кунанд, ки мудохилаи давлат дар ин ё он вазъият то кадом андоза зарур аст. Олимон асосҳои назарияи механизмҳои оптималиро ба вуҷуд оварданд. Ба номи Леонид Гурвич усули аз тарафи вай пешниҳодкардаи ҳаллу фасли «коэффитсиенти оптимистӣ — пессимистӣ»-и назарияи қабули қарорҳо номгузорӣ шудааст. Леонид Гурвич узви фахрии Иттиҳодияи иқтисодии Амрико (Distinguished Fellow, 1977), доктори фахрии Донишгоҳи шимолу ғарбии ИМА (1980), Донишгоҳи технологии Калифорния (1984), донишгоҳҳои Испания, Хитой, Лаҳистон ва ғ. буд. Соли 2007 барои ба вуҷуд овардани асосҳои назарияи механизмҳои оптималӣ сазовори мукофоти Нобел дар соҳаи иқтисодиёт гардид.
This article uses material from the Wikipedia Тоҷикӣ article Леонид Гурвич, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Муҳтаво таҳти иҷозатномаи CC BY-SA 4.0 ва ё дигар дастрас аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тоҷикӣ (DUHOCTRUNGQUOC.VN) is an independent company and has no affiliation with Wiki Foundation.