1911 ఢిల్లీ దర్బారు పతకం
భారతదేశానికి కొత్త చక్రవర్తిని ప్రకటించినపుడు ఢిల్లీ దర్బారు జ్ఞాపకార్థం యునైటెడ్ కింగ్‌డమ్ నెలకొల్పిన పతకాలను ఢిల్లీ దర్బారు పతకాలు అంటారు.
వీటిని రెండు సందర్భాలలో - 1903 లో ఎడ్వర్డ్ VII రాజైనపుడు ఒకసారి, మళ్ళీ 1911 లో జార్జ్ V రాజైన సందర్భంలో రెండోసారి ఈ పతకాలను ప్రదానం చేసారు. ఇవి ఒకటిన్నర అంగుళాల వ్యాసం కలిగి, బంగారు, వెండి రెండింటి తోనూ ప్రదానం చేసారు. వీటిని ఎడమ ఛాతీపై పట్టాభిషేకం, జూబ్లీ పతకాలతో పాటు తేదీ క్రమంలో ధరిస్తారు. దీన్ని ఒకటిన్నర అంగుళాల వెడల్పు ఉన్న రిబ్బనుకు తగిలిస్తారు. ఈ రాయల్ స్మారక పతకాలు 1918 నవంబరు వరకు ప్రచార పతకాల కంటే ముందు ధరించారు. ఆ తర్వాత ధరించే క్రమాన్ని మార్చి, ప్రచార పతకాల తర్వాత, సుదీర్ఘ సేవా పురస్కారాలకు ముందూ ఈ దర్బారు పతకాలను ధరించారు.
| Delhi Durbar Medal, 1911 | |
|---|---|
  Obverse and reverse of 1911 Durbar Medal | |
| Type | Commemoration medal |
| Awarded for | Participation in Durbar or broader service to the Indian Empire |
| అందజేసినవారు | United Kingdom and British Raj |
| Established | 1911 |
| Total | 200 gold and 26,800 silver medals |
 Ribbon bar | |
| ఢిల్లీ దర్బారు పతకం 1911 | |
|---|---|
| 1911 దర్బారు పతకం ముందూ వెనుకా | |
| Type | స్మారక పతకం |
| Awarded for | దర్బారులో ఉండడం లేదా భారత సామ్రాజ్యానికి విస్తృతమైన సేవ |
| అందజేసినవారు | యునైటెడ్ కింగ్‌డమ్, బ్రిటిష్ రాజ్ |
| Established | 1911 |
| Total | 200 బంగారు, 26,800 వెండి పతకాలు |
రిబ్బన్ పట్టీ | |
ఢిల్లీ దర్బారు పతకం, 1911
బొమ్మ వైపు: కిరీటంతో ఉన్న కింగ్ జార్జ్ V, క్వీన్ మేరీ ముఖాలు గులాబీల పూల దండలో ఎడమ వైపున ఉంటాయి.వెనక వైపు: పర్షియన్ భాషలో ఒక లెజెండ్ ఉంటుంది. దీని అర్థం - బ్రిటిష్ సామ్రాజ్య ప్రభువు, భారత చక్రవర్తి అయిన జార్జ్ V దర్బారు. ఈ పతకంపై పేరేమీ లేకుండా ప్రదానం చేయబడింది.
పాలక అధిపతులు, ఉన్నత స్థాయి అధికారులకు బహూకరించేందుకు రెండు వందల బంగారు పతకాలను తయారు చేసారు. 30,000 వెండి పతకాలు ముద్రించగా, వాటిలో 26,800 పౌర ప్రముఖులకు, ప్రభుత్వ అధికారులకు ప్రదానం చేసారు. వీటిలో 10,000 పతకాలను బ్రిటిషు, భారతీయ సైనికాధికారులకు, సైనికులకూ ఇచ్చారు. దర్బారులో ఉన్నవారికి మాత్రమే కాకుండా, భారతదేశానికి రాజ్‌కు సహకరించిన ఇతరులకు కూడా పతకాన్ని ప్రదానం చేసాదు.
కింగ్ జార్జ్ పట్టాభిషేక పతకం కోసం వాడిన రిబ్బన్నే దీనికీ వాడారు. బొమ్మ వైపు డిజైను రెంటికీ ఒకే విధంగా ఉంటుంది. అయితే, పట్టాభిషేక పతకం 1¼ అంగుళాల వ్యాసం ఉండగా, దర్బారు పతకం 1½ అంగుళాల వ్యాసంతో పెద్దదిగా ఉంటుంది. రెండు పతకాలు కలిసి ధరించలేరు. రెండింటినీ పొందినవారు తమ పట్టాభిషేక పతకపు రిబ్బన్‌పై 'ఢిల్లీ' అనే పదం ఉన్న పట్టీని ధరిస్తారు.
పట్టాభిషేక పతకం రిబ్బన్ కోసం దర్బారు పట్టీ
ఇవి కూడా చూడండి
- ఢిల్లీ దర్బార్ మెడల్ (1903)
- ఢిల్లీ దర్బార్
- బ్రిటిష్ వలస భారతదేశం
- ఎంప్రెస్ ఆఫ్ ఇండియా మెడల్
మూలాలు
This article uses material from the Wikipedia తెలుగు article ఢిల్లీ దర్బారు పతకం (1911), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). అదనంగా సూచించని పక్షంలో పాఠ్యం CC BY-SA 4.0 క్రింద లభ్యం Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki తెలుగు (DUHOCTRUNGQUOC.VN) is an independent company and has no affiliation with Wiki Foundation.