ಶಾಂಭವಿ ಸುದೆ

ಸುಮಾರ್ ೬೦ ಕಿಲೋ ಮೀಟರ್ ಉದ್ದ ಉಪ್ಪಿನ ಈ ಸುದೆ, ಎಲ್ಯ ಸುದೆ ಆಂಡಲಾ, ಉಂದು ಪರಪುನ ಕಯ್ತಲ್ದ ಊರುದಕಲು, ನೀರ್ ಗಾದ್ ಉಂದೆಕ್ಕೆ ಅವಲಂಬಿತರಾದುಲ್ಲೆರ್. ಬಾರೀ ಜೀವ ವೈವಿಧ್ಯ ಇತ್ತಿನ ಈ ಸುದೆಟ್ ಮೀನು ಪತ್ತುನೆನ್ ಜನ ಮಲ್ಪುವೆರ್. ಮಾತ್ರ ಅತ್ತಾವಂದೆ ಕ್ರಷಿಕ್ ಲಾ ಈ ಸುದೆತ್ತ ನೀರ್ ಉಪಯೋಗೊಗು ಬರ್ಪುಂಡು.

ಕಾರ್ಕಳದ ನಿಟ್ಟೆಡ್ ಈ ಸುದೆ ಪೊರ್ಲುದ ಜಲಪಾತೊನ್ ಉಂಡುಮಲ್ದ್ ಂಡ್. ಉಂದೆನ್ ಅಲ್ಪ ಪರಪ್ಪಾಡಿ ಫಾಲ್ಸ್ ಪಂಡ್ದ್ ಲೆಪ್ಪುವೆರ್. ನೀರ್ ಗಾದ್ ಎಲ್ಯ ಅಣೆಕಟ್ಟ್ ಲೆನ್ ಈ ಸುಧೆಕ್ ಕಟ್ಟ್ ದೆರ್. ನಿಟ್ಟೆದಲ್ಪ ಉಪ್ಪುನ ಅಣೆಕಟ್ಟ್ ನ್ ಮುಲ್ಕಿ ಡಾಮ್ ಪಂಡ್ದೇ ಲೆಪ್ಪುವೆರ್. ಕಡಲ್ ನ್ ಸೇರುನೆಡ್ದ್ ಒಂತೆ ದುಂಬು ಸಂಕಲಕರಿಯ, ಬಳ್ಕುಂಜೆ, ಪಲಿಮಾರ್ ದಲ್ಪ ಲಾ ಉಂದೆಕ್ಕ್ ಎಲ್ಯ ಅಣೆಕಟ್ಟ್ ಉಂಡು.

ಮರಿಯಲ ಬುಂಡ ಬೇತೆ ಪೂರಾ ಕಾಲೊಡುಲಾ ಶಾಂತವಾದ್ ಪರಪುನ ಈ ಸುದೆ, ನೀರ್ ಗೊಬ್ಬುಲೆಗ್ ಮಸ್ತ್ ಪ್ರಸಿದ್ಧವಾದುಂಡು. ಈ ಸುದೆಟ್ ಕಯಾಕಿಂಗ್( ಎಲ್ಯ ಓಡೊದ ಗೊಬ್ಬು)ಗ್ ಜನ ಬರ್ಪೆರ್.

ಪುರಾಣೊಡು ಉದೆತ್ತ ಉಲ್ಲೇಖ ಯಕ್ಷಗಾನ ಪ್ರಸಂಗ ಬಪ್ಪನಾಡು ಕ್ಷೇತ್ರ ಮಹಾತ್ಮೆಡ್ ಬರ್ಪುಂಡು.