ಪ್ರಕಾಶ್ ರೈ (ಜನನ: 26 ಮಾರ್ಚ್ 1965) ಮೇರ್ ಭಾರತೀಯ ನಟೆ, ಚಲನಚಿತ್ರ ನಿರ್ದೇಶಕೆ, ನಿರ್ಮಾಪಕೆ, ದೂರದರ್ಶನ ನಿರೂಪಕೆ ಅಂಚನೆ ರಾಜಕಾರಣಿಲಾ ಅಮದ್.
ತೆಲುಗು, ತಮಿಳ್, ಕನ್ನಡ, ಹಿಂದಿ ಬೊಕ್ಕ ಮಲಯಾಳಂ ಬಾಸೆದ ಚಲನಚಿತ್ರೊಲೆಡ್ ನಟನೆ ಮಲ್ದೆರ್. ಮೆರೆಗ್ ಐನ್ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಲು, ಎಡ್ಲ ನಂದಿ ಪ್ರಶಸ್ತಿಲು, ಎಡ್ಮ ತಮಿಳುನಾಡು ರಾಜ್ಯ ಚಲನಚಿತ್ರ ಪ್ರಶಸ್ತಿಲು, ಐನ್ ಫಿಲ್ಮ್ಫೇರ್ ಅವಾರ್ಡ್ ಸೌತ್, ನಾಲ್ ಸೈಮಾ ಪ್ರಶಸ್ತಿಲು ಇಂಚ ಸುಮಾರ್ ಪ್ರಶಸ್ತಿಲು, ಮೂಜಿ ಸಿನೆಮಾ ಪ್ರಶಸ್ತಿಲು ಅಂಚನೆ ಮೂಜಿ ವಿಜಯ್ ಪ್ರಶಸ್ತಿಲೆನ್ ಗೆಂದ್ದೆರ್.
ಪ್ರಕಾಶ್ ರೈ / ಪ್ರಕಾಶ್ ರಾಜ್ | |
---|---|
ಪುಟ್ಟಿನ | ಮಾರ್ಚ್ ೨೬, ೧೯೬೫ |
ರಾಷ್ಟ್ರೀಯತೆ | ಭಾರತೀಯೆ |
ವೃತ್ತಿ(s) | ಚಲನಚಿತ್ರ ನಟೆ, ನಿರ್ಮಾಪಕೆ, ನಿರ್ದೇಶಕೆ |
ವರ್ಷಗಳು; ಸಕ್ರಿಯ | 1986 ರ್ದ್ - ಇನಿಮುಟ್ಟ |
ಸಂಗಾತಿ | ಪೋನಿ ವರ್ಮಾ |
ಪ್ರಶಸ್ತಿಗಳು | ಮಾನಾದಿಗೆದ ಪಟ್ಟಿ |
ನಮ್ಮ ಪುತ್ತೂರುದ ಪ್ರಕಾಶ್ ರೈ ಪುಟ್ಟಿನಿ 26 ಮಾರ್ಚ್ 1965ಗ್. ಪ್ರಸಾದ್ ರಾಜ್ ಮೆರೆನ ಮೆಗ್ಯೆ ಮೇರ್ಲಾ ಒರಿ ನಟೆ. ಪ್ರಕಾಶ್ ರೈ ಮೇರ್ ಸೇಂಟ್ ಜೋಸೆಫ್ಸ್ ಇಂಡಿಯನ್ ಹೈಸ್ಕೂಲ್ಡ್ ಸಾಲೆದ ಶಿಕ್ಷಣೊನ್ ಅಂಚನೆ ಬೆಂಗಳೂರ್ದ ಸೇಂಟ್ ಜೋಸೆಫ್ಸ್ ಕಾಲೇಜ್ಡ್ ಕಾಮರ್ಸ್ ವಿಭಾಗೊಡ್ ಅಧ್ಯಯನ ಮಲ್ತೆರ್. ಕೆ.ಬಾಲಚಂದ್ರ ತಮಿಳ್ದ ಪುದರ್ ಪೋತಿನ ನಿರ್ದೇಶಕೆ ಅರೆನ ಸಲಹೆದ ಪ್ರಕಾರೊ ಪ್ರಕಾಶ್ ರೈ ಅರೆನ ಪುದರ್ ನ್ ಪ್ರಕಾಶ್ ರಾಜ್ ಪಂಡ್ದ್ ಬದಲಾವಣೆ ಮಲ್ತೆರ್. ಆಂಡ ಕರ್ನಾಟಕೊಡ್ ಇತ್ತೆಲಾ ಮೆರೆನ್ ಪ್ರಕಾಶ್ ರೈ ಪಂಡ್ದೇ ಲೆಪ್ಪುವೆರ್.
ಮೇರ್ 1994ನೇ ಇಸವಿಡ್ ಲಲಿತಾ ಕುಮಾರಿ ಪನ್ಪಿನರೆನ್ ಮದಿಮೆ ಆಯೆರ್. ದಂಪತಿಲೆಗ್ ಮೇಘನಾ ಬೊಕ್ಕ ಪೂಜಾ ಪನ್ಪಿನ ರಡ್ಡ್ ಪೊಣ್ಣು ಜೋಕುಲು ಉಲ್ಲೆರ್. ದಂಪತಿಲೆಗ್ 2009ಡ್ ವಿಚ್ಛೇದನೆ ಆಂಡ್. ಅವೆರ್ದ್ ಬೊಕ್ಕ , ಮೇರ್ 24 ಆಗಸ್ಟ್ 2010 ನೆ ಇಸವಿಡ್ ನೃತ್ಯ ಸಂಯೋಜಕಿ ಪೋನಿ ವರ್ಮಾ ಪನ್ಪಿನರೆನ್ ವಿವಾಹವಾದರು. ದಂಪತಿಲೆಗ್ ವೇದಾಂತ್ ಪನ್ಪಿನ ಒರಿ ಮಗೆ ಉಲ್ಲೆ.
ಪ್ರಕಾಶ್ ರೈ ಮೇರ್ ದೂರದರ್ಶನೊದ ಬಿಸಿಲು ಕುದುರೆ ಪನ್ಪಿನ (ಕನ್ನಡ) ಬೊಕ್ಕ ಗುಡ್ಡದ ಭೂತ (ತುಳು ಬೊಕ್ಕ ಕನ್ನಡ) ಧಾರಾವಾಹಿಲೆಡ್ ಬಣ್ಣೊ ಪೂಜಿದ್ ವೃತ್ತಿಜೀವನೊನ್ ಸುರು ಮಲ್ತೆರ್. ಅವೆರ್ದ್ ಬೊಕ್ಕ ರಾಮಾಚಾರಿ, ರಣಧೀರ, ನಿಷ್ಕರ್ಷ ಬೊಕ್ಕ ಲಾಕಪ್ ಡೆತ್ ಇಂಚಿನ ಸಿನಿಮೊಲೆಡ್ ಅಭಿನಯ ಮಲ್ದೆರ್. ಇಂಚ ಸಿನಿಮೊಲೆಡ್ ನಟೆ ಮಾತ್ರ ಅತ್ತಂದೆ ನಿರ್ದೇಶಕೆ ಬೊಕ್ಕ ನಿರ್ಮಾಪಕೆ ಆದ್ಲಾ ಬೇಲೆ ಮಲ್ದೆರ್.
ವರ್ಷ | ಸಿನಿಮೊ | ವರ್ಗೊ | ಪಲಿತಾಂಸ | ಉಲ್ಲೇಕೊ |
---|---|---|---|---|
1996 | ಗನ್ಶಾಟ್ | ಬೆಸ್ಟ್ ವಿಲನ್ | ಗೆಂದ್ಯೆರ್ | |
1998 | ಅಂತಹಪುರಂ | ಅತ್ಯುತ್ತಮ ನಟೆ | ಗೆಂದ್ಯೆರ್ | |
2000 | ಆಝಾದ್ | ಗೆಂದ್ಯೆರ್ | ||
2002 | ಖಡ್ಗಂ | ಅತ್ಯುತ್ತಮ ನಟೆ | ಗೆಂದ್ಯೆರ್ | |
2003 | ಅಮ್ಮ ನನ್ನ ಒ ತಮಿಲಾ ಅಮ್ಮಾಯಿ | ಅತ್ಯುತ್ತಮ ನಟೆ | ಗೆಂದ್ಯೆರ್ | |
ಗಂಗೋತ್ರಿ | ಬೆಸ್ಟ್ ವಿಲನ್ | ಗೆಂದ್ಯೆರ್ | ||
2006 | ಬೊಮ್ಮಾರಿಲ್ಲು | ಅತ್ಯುತ್ತಮ ಪೋಷಕ ನಟೆ | ಗೆಂದ್ಯೆರ್ | |
2011 | ದೂಕುಡು | ಗೆಂದ್ಯೆರ್ |
ವರ್ಷ | ಸಿನಿಮೊ | ಬಾಸೆ | ವರ್ಗೊ | ಪಲಿತಾಂಸ | ಉಲ್ಲೇಕೊ |
---|---|---|---|---|---|
1997 | ಇರುವರ್ | ತಮಿಳ್ | ಅತ್ಯತ್ತಮ ನಟೆ | ಗೆಂದ್ಯೆರ್ | |
1998 | ಅಂತಹಪುರಂ | ತೆಲುಗು | ಸ್ಪೆಷಲ್ ಮೆನ್ಶನ್ | ಗೆಂದ್ಯೆರ್ | |
2002 | ಧಯ | ತಮಿಳ್ | ಸ್ಪೆಷಲ್ ಜ್ಯೂರಿ ಪ್ರಶಸ್ತಿ | ಗೆಂದ್ಯೆರ್ | |
2007 | ಕಾಂಚಿವರಂ | ಅತ್ಯುತ್ತಮ ನಟೆ | ಗೆಂದ್ಯೆರ್ | ||
2010 | ಪುಟ್ಟಕ್ಕನ ಹೈವೇ | ಕನ್ನಡ | ಕನ್ನಡದ ಅತ್ಯುತ್ತಮ ಚಲನಚಿತ್ರೊ (ನಿರ್ಮಾಪಕೆ ಆದ್) | ಗೆಂದ್ಯೆರ್ |
This article uses material from the Wikipedia ತುಳು article ಪ್ರಕಾಶ್ ರೈ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.