ಸಿನೆಮಾ ಪಡ್ಡಾಯಿ

ನಿರ್ದೇಶಕೆ ಅಭಯಸಿಂಹ ಮೇರ್ನ ಸುರುತ್ತ ತುಳು ಚಲನಚಿತ್ರ ಉಂದಾಡುಂದು.

ಈ ಸಿನೆಮೋಡು ಮೋಹನ್ ಶೇಣಿ, ಬಿಂದು ರಕ್ಷಿಧಿ, ಚಂದ್ರಹಾಸ ಉಳ್ಳಾಲ, ಗೋಪಿನಾಥ್ ಭಟ್, ಅವಿನಾಶ್ ರೈ, ಸದಾಶಿವ ನಿನಾಸಂ, ಶ್ರೀನಿಧಿ ಆಚಾರ್, ಪ್ರಭಾಕರ ಕಾಪಿಕಾಡ್, ವಾಣಿ ಪೆರಿಯೋಡಿ, ರವಿ ಭಟ್, ಮಲ್ಲಿಕಾ ಜ್ಯೋತಿಗುಡ್ಡೆ, ಸಂತೋಷ್ ಶೆಟ್ಟಿ ಮುಕುಲು ಪಾತ್ರ ಮಲ್ದೆರ್.

ಯಕ್ಷಗಾನ, ಭೂತಾರಾಧನೆಗ್ ಒತ್ತ್ ಕೊರ್ದು ಕಡಲ್ದ ಮಧ್ಯೊಡು ಕೆಲವು ದೃಶ್ಯೊಲೆನ್ ಕ್ಯಾಮೆರೊಡು ಪತ್ತ್ದ್ನವು ಪಡ್ಡಾಯಿ ಸಿನೆಮಾ. ಒಂಜಿ ಊರ್ ದ ಧನಿಕ್ಲೆನ ಇಲ್ಲಡ್ ಬೇಲೆ ಮಲ್ತೊಂದಿತ್ತಿನ ದನಿಯ ಪನ್ಪಿನಯೆ, ಎಂಚ ಬದಲಾಪೆ ಬೊಕ್ಕ ಸಮಾಜ ಉಂದೆನ್ ಎಂಚ ತೂಪುಂಡ್ ಪನಿನವು ಕಥೆಥ ತಿರ್ಲ್. "ಅತಿ ಆಸೆ ಗತಿ ಕೇಡ್" ಪನ್ಪಿನ ನೀತಿ ಉಂದೆಟ್ಟುಂಡು. ಷೇಕ್ಸ್ ಪಿಯರ್ ನ ಮ್ಯಾಕ್ ಬೆತ್ ನಾಟೊಕೊದ ಉಮೇದ್ ನ್ ಪಡೆಯಿನಂಚಿನ ಈ ಸಿನೆಮಾ ಮೀನ ಪತ್ತುನಕ್ಲೆನ ಬದ್ಕದ ಮಿತ್ತ್ ಚಿತ್ರಿತವಾದುಂಡು.

• ನಿರ್ದೇಶಕೆ : ಅಭಯ ಸಿಂಹ ಕುಡ್ಲ
• ನಿರ್ಮಾಪಕೆ : ನಿತ್ಯಾನಂದ ಪೈ, ಕಾರ್ಕಳ
• ಸಂಗೀತ : ಮಣಿಕಾಂತ್ ಕದ್ರಿ
• ಸಂಕಲನ : ಪ್ರಶಾಂತ್
• ಕ್ಯಾಮೆರ : ವಿಷ್ಣುಪ್ರಸಾದ್, ಪುತ್ತೂರು
• ಸಿನೆಮಾದ ಕಥೆ : ಪ್ರಕಾಶ್ ಪಂಡಿತ್
• ಸಿನೆಮಾ ಬತ್ತಿನ ವರ್ಸ : ೨೦೧೮
• ಬಾಸೆ : ತುಳು

ತುಳುತ್ತ ಪಡ್ಡಾಯಿ ಪನ್ಪಿನವು ಕನ್ನಡೊದ ಪಶ್ಚಿಮ ದಿಕ್ಕ್. ತುಳುನಾಡ್‍ಡ್ ಮೀನ್ ಪತ್ತುನ ಮೊಗವೀರೆರ್ ಕಡಲ್ನ್ ಪಡ್ಡಾಯಿ ಪನ್ದ್ ಪನ್ಪಿನ ಕ್ರಮವುಂಡು.

೬೫ನೇ ರಾಷ್ಟ್ರೀಯ ಚಲನಚಿತ್ರೋತ್ಸವೊಡು ಎಡ್ಡೆ ಪ್ರಾದೇಶಿಕ ಚಿತ್ರೊ ಪ್ರಶಸ್ತಿ ಪಡ್ಡಾಯಿ - ತುಳು ಚಲನಚಿತ್ರೊಗು ಬಯ್ದ್ಂಡ್.

• ಬಂಗಾರ್ ಪಟ್ಲೇರ್ (೧೯೯೩)
• ಕೋಟಿ ಚೆನ್ನಯ (೨೦೦೭)
• ಗಗ್ಗರ (೨೦೧೦)
• ಮದಿಪು (೨೦೧೭)