ಜೋಕಾಲಿ

ಅವತ್ತಂದೇ ಜೋಕಾಲಿನ್ ಪಿರಿಯಕ್ಲೆನ ಇಲ್ಲಡ್, ಗುತ್ತುದ ಇಲ್ಲಡ್, ರಾಜೆರೆನ ಅರಮನೆಟ್ಟ್, ಗಾರ್ಡನ್ , ಪಾರ್ಕ್ ಲೆಡ್ ತುವರೆ ತಿಕ್ಕುಂಡು. ಉಂದೆನ್ ಇಲ್ಲದ ಉಲಾಯಿ ಅಂಚನೆ ಪಿದಾಯಿಲಾ ದೀಪೆರ್. ಉಲಾಯಿ ಆಂಡ ಕೊಕ್ಕೆಗ್ ಕಟ್ಟುವೆರ್ ಪಿದಯಿ ಆಂಡ ಮರಕ್ಕ್ ಜೋಕಾಲಿನ್ ಕಟ್ಟುವೆರ್. ಜೋಕಾಲಿಡ್ ಸುಮಾರ್ ನಮುನೆ ಉಂಡು. ಇಲ್ಲದುಲಾಯಿ ಗಲಸುನ ಜೋಕಾಲಿ ಅಂಚನೆ ಪಿದಯಿ ಗಲಸುನ ಜೋಕಾಲಿಲೆಗ್ ಮಸ್ತ್ ವ್ಯತ್ಯಾಸ ಉಂಡು.

ಜೋಕಾಲಿ ಪನ್ಪಿ ಪುದರ್ ಜೋಕುಲು ಪನ್ಪಿ ಪದೊತ್ತ್ ಬತ್ತಿಪ್ಪು. ದುಂಬು ಸೀರೆಡ್ ಮಂತಿನ ಜೋಕಾಲಿ ಇತ್ಂಡ್ ಇತ್ತೆ ಜೋಕಾಲಿದ ಬದಲ್ಗ್ ತೊಟ್ಟಿಲ್, ಪ್ಲಾಸ್ಟಿಕ್, ಕರ್ಬದ ಬತ್ತ್‌ತ್‌ಂಡ್.

ಜೋಕಾಲಿಡುಪ್ಪುನ ಬಗೆ

ಗಾಡಿದ ಟಯರ್ ನ್ ಗಲಸ್‍ದ್ ಮಲ್ದಿನ ಜೋಕಾಲಿ.
ಜೋಕುಲೆನ್ ಜೆಪುಡಾವರೆ ಸೀರೆನ್ ಗಲಸ್‍ದ್ ಮಲ್ದಿನ ಜೋಕಾಲಿ.
ಮರತ್ತ ಪಲಾಯಿಡ್ ಮಲ್ದಿನ ಜೋಕಾಲಿ.
ಪಕ್ಕಿದ ಗೂಡುದಂಚಿನ ಬಲೆತ್ತ ಜೋಕಾಲಿ.
ಬೆತ್ತದ ಜೋಕಾಲಿ.
ರಬ್ಬರ್‍ದ ಸೀಟ್‍ದ ಜೋಕಾಲಿ.

ಇತಿಹಾಸೊ

ಏಷ್ಯಾ

ವಸಂತ ಋತುಟ್ಟು ಏಷ್ಯಾ ಖಂಡೊದ ಚೀನಾ ದೇಸೊಡು ಸುರೂಕು ಜೋಕಾಲಿಡ್ ಗೊಬ್ಬರೆ ಸುರು ಮಲ್ತ್ದೆರ್ ಪಂಡ್‍ದ್ ಪನ್ಪೆರ್(771-476 BC). ಹಾನ್ ರಾಜವಂಶೊಡು ಜೋಕಾಲಿ ತೂಂಗುನು ಮಸ್ತ್ ಜನಪ್ರಿಯತೆ ಪಡೆದಿತ್ತ್ಂಡ್ ಅಂಚನೆ ಕ್ವಿಂಗ್ಮಿಂಗ್ ಬೊಕ್ಕ ಡುವಾನ್ವು ಉತ್ಸವೊಡು ಉಂದೆನ್ ಪ್ರದರ್ಶನ ಮಲ್ತೊಂದಿತ್ತೆರ್. ಸಾಂಗ್ ರಾಜವಂಶೊದ ಸಮಯೊಡು ಜೋಕಾಲಿನ್ ನೀರ್ ದ ಮಿತ್ತ್ ದೋಣಿದ ನಡುಟ್ಟ್ ತೂಂಗುನ ಗೊಬ್ಬುಲಾ ಇಪ್ಪೆದ್ಂಡ್‍ಗೆ.