ಕಾಂತಾರ ಉಂದು ಒಂಜಿ ಕನ್ನಡ ಸಿನಿಮಾ.
ಕಾಂತಾರ ಪಂಡ ಕಾಡ್ಂದ್ ಅರ್ತೊ. ಒಂಜಿ ಜಾಗೆದ ಪುದರ್ಲಾ ಉಂಡು. ಈ ಸಿನೆಮೊಗು ಕಾಡ್ ಅರ್ತೊ ಹೊಂದುಂಡು. ರಿಷಬ್ ಶೆಟ್ಟಿ ಈ ಸಿನಿಮಾದ ನಿರ್ದೇಸಕೆ, ಬುಕ್ಕ ವಿಜಯ್ ಕಿರಗಂದೂರು ನಿರ್ಮಾಪಕೆರ್. ಸಿನಿಮಾ ನಿರ್ಮಾಣ ಸಂಸ್ಥೆ ಆಯಿನ ಹೊಂಬಾಳೆ ಫಿಲಮ್ಸ್ ಈ ಸಿನಿಮಾನ್ ನಿರ್ಮಾಣ ಮಲ್ತ್ದ್ಂಡ್. ೨೦೨೨ನೇ ಇಸವಿದ ಸೆಪ್ಟೆಂಬರ್ ೩೦ನೇ ತಾರೀಕ್ದಾನಿ ಈ ಸಿನೆಮಾ ಕರ್ನಾಟಕ ರಾಜ್ಯಡೊರ್ಮೆ ಬುಡ್ಕಡೆ ಆಂಡ್.
ತುಳುನಾಡ ದೈವೊಲೆನ ಶಕ್ತಿ, ಕಾರ್ನಿಕ, ತುಳುವ ಜನಕುಲೆನ ಆಚಾರ ವಿಚಾರೊಲೆನ್ ಐಕ್ ಅಪಚಾರ ಮಲ್ಪಂದೆ ಸಮರ್ಥವಾದ್ ಪರ್ದೆದ ಮಿತ್ ತೋಜಾಯಿನೆಡ್ದಾವರ ಈ ಸಿನಿಮಾಗ್ ವೀಕ್ಸಕೆರೆಡ್ದ್ ಎಡ್ಡೆ ಪುಗರ್ತೆ ತಿಕ್ದ್ಂಡ್.
ಉಡುಪಿ ಜಿಲ್ಲೆದ ಕುಂದಾಪುರ ತಾಲೂಕುದ ಕೆರಾಡಿ ಪನ್ಪಿನ ಊರುಡು ಕಾಂತಾರ ಸಿನಿಮಾಗ್ ಬೋಡಾದ್ ಸೆಟ್ ಪಾಡ್ದ್, ಅಲ್ಪ ಈ ಸಿನಿಮಾ ಚಿತ್ರೀಕರಣ ಮಲ್ತೆರ್. ಈ ಸಿನಿಮಾದ ಚಿತ್ರೀಕರಣ ಅಗೋಸ್ತು ೨೮, ೨೦೨೧ದಾನಿ ಸುರು ಆಂಡ್. ಕೆಮರಾಮೆನ್ ಆದ್ ಅರವಿಂದ್ ಎಸ್ ಕಶ್ಯಪ್ ಬೇಲೆ ಮಲ್ತ್ದೆರ್. ಅಜನೀಶ್ ಲೋಕನಾಥ್ ಈ ಸಿನಿಮಾಡ್ ಸಂಗೀತ ನಿರ್ದೇಶಕೆರಾದ್ ಬೇಲೆ ಮಲ್ತೆರ್. ಅತ್ತಂದೆ, ಸಿನಿಮಾದ ಸಾಹಸ ದೃಶ್ಯೊಲೆನ್ ವಿಕ್ರಮ್ ಮೋರೆ ಸಂಯೋಜನೆ ಮಲ್ತ್ದೆರ್.
ಕಾಂತಾರ ಸಿನಿಮೊದ ಕತೆಟ್ಟ್ ಒಟ್ಟು ಮೂಜಿ ಅದೆ ಉಂಡು. ಅವು: ೧.ರಾಜೆ ಬೊಕ್ಕ ದೈವದ ಭೇಟಿ ಆಪುನ ೨.ರಾಜನ ಸಂತಾನದಕುಲು ದೈವಗ್ ಬುಡ್ದುಕೊರ್ತಿನ ಜಾಗೆನ್ ದೈವಡ ಕೇಂಡ್ದ್ ದೈವದ ಕೋಪಗ್ ಗುರಿ ಆಪುನ ಬುಕ್ಕ ೩.ರಾಜನ ಸಂತಾನೊಗು ಸೇರ್ದಿನ ಒರಿ, ದೈವೊಗು ಬುಡ್ದುಕೊರ್ತಿನ ಜಾಗೆನ್ (ಈ ಜಾಗೆಡೆ ಊರುದಕುಲು ಇಲ್ಲ್ ಕಟ್ಟೊಂದು ಬದ್ಕ್ ನಡಪಾವೊಂದು ಈಪುವೆರ್. ಅತ್ತಂದೆ ಈ ಜಾಗೆ ಅರಣ್ಯ ಇಲಾಖೆದ ಕೈಟ್ ಇಪ್ಪುನವು) ಮೋಸ ಮಲ್ತ್ ಜಾಗೆನ್ ತನ್ನ ಉಲಾಯಿ ಮಲ್ಪರ ತೂಪುನ.
ಪಿರಾಕ್ಡ್ ಒರಿ ರಾಜಗ್ ಆಯನ ಸಂಸಾರೊಡು ಶಾಂತಿ ನೆಮ್ಮದಿ ಉಪ್ಪುಜಿ. ತನ್ನ ಬದ್ಕ್ದ ಮಿತ್ ಜುಗುಪ್ಸೆ ಬತ್ದ್ ಸಾಂತಿ ನೆಮ್ಮದಿ ನಾಡೊಂದು ಕಾಡ್ಗ್ ಪೋಪೆ. ಕಾಡ್ಡ್ ಒಂಜಿ ಬರಿಟ್ ಒಂಜಿ ದೈವದ ತಾನೊ ಸಿಕ್ಕುಂಡು. ಅಲ್ಪ ಆಯಗ್ ತನ್ನ ಮನಸ್ಗ್ ನೆಮ್ಮದಿ ತೋಜುಂಡು. ಆ ದೈವದ ತಾನೊನು ತನ್ನ ಅರಮನೆಕ್ ಕನವರ ಆ ಕಾಡ್ಡ್ ಇಪ್ಪುನ ಕಾಡ್ ಜನಕುಲೆಡ ಒಪ್ಪಿಗೆ ಕೇನುವೆ. ಅಪಗ ಆ ಜನಕುಲೆನ ಒಟ್ಟಿಗೆ ಇತ್ತಿನ ಒರಿ ನಲಿಕೆದಾಯನ ಮಿತ್ ಪಂಜುರ್ಲಿ ಪ್ರಕಟವಾದ್ ರಾಜೊಗು ನುಡಿ ಕೊರ್ಪೆ. ಯಾನ್ ವರ ಕೀದಿಂಡ, ಆ ಸ್ವರ ಕೇಣುನಾತ್ ಮುಟ್ಟದ ಜಾಗೆ ಎಂಕ್ ಬುಡ್ದು ಕೊರೊಡು. ಅಂಚಾಂಡ ನಿಕ್ ನಿನ್ನ ಸಂಸಾರೊಗು ಶಾಂತಿ ನೆಮ್ಮದಿ ಕೊರ್ಪೆ ಬುಕ್ಕ ನಿನ್ನ ಅರಮನೆಟ್ ಬತ್ ನಿಲೆ ಆಪೆ ಪನ್ಪುಂಡು ಪಂಜುರ್ಲಿ. ಉಂದೆಕ್ ರಾಜೆ ಒಪ್ಪುವೆ. ಅತ್ತಂದೆ ಎನ್ನ ಒಟ್ಟುಗು ಗುಳಿಗೆಲಾ ಬರ್ಪೆ. ಒಂಜಿ ವೇಳೆ
This article uses material from the Wikipedia ತುಳು article ಕಾಂತಾರ (ಕನ್ನಡ ಸಿನಿಮಾ), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.