ಮುಯ್ಯೆರ್

ಮೇರ್
Scientific classification
Kingdom:	animalia
Superphylum:	ಕೋರ್ಡಾಟಾ
Phylum:	ವರ್ಟೆಬ್ರಾಟಾ
Class:	ಮ್ಯಾಮ್ಮಲಿಯಾ
Order:	ಲ್ಯಾಗೋಮೋರ್ಫ಼ಾ
Family:	ಲೆಪೋರಿಡೇ in part
ಜಾತಿ

ಉಂದು ಒಂಜಿ ಎಲ್ಯ ಪ್ರಾಣಿ. ಸುಳ್ಯೊ, ಪುತ್ತೂರು, ಬೆಳ್ತಂಗಡಿ, ಕಡಬೊಡ್ ತುಳುಟು ಇಂದೆಕ್ ಮೇರ್ ಪನ್ಪುನು. ಇಂಗ್ಲಿಸ್‍ಡ್ Rabit ಪನ್ಪೆರ್. ಹಿಂದಿ ಬಾಸೆಡ್ खरगोश/Kharagosh ಪನ್ಪೆರ್. ಮೇರ್ ತಪ್ಪು ಪಂತಿ ತಿನ್ಪುನು. ಅಂಚಾದ್ ಇಂದೆನ್ ತಪ್ಪುಮೇರ್ಂದ್ ಪನ್ಪುನು. ಕುಡ್ಲತ ತುಳುಟು ಮುಯ್ಯೆರ್ ಪನ್ಪೆರ್. ಕುಡ್ಲತಕುಲೆ ಬಾಸೆಡ್ ಮೇರ್ ಪಂಡ ಇಂಬೆರ್ ಪನ್ಪುನ ಅರ್ತೊಲಾ ಆಪುಂಡು. ಕೆಲವು ಕಡೆಟ್ ಮುಗೆರ್ ಪನ್ಪುನ ಪದೊಲಾ ಉಂಡು. ಆಂಡ ಕನ್ನಡೊಟು ಮೊಲ ಪನ್ಪೆರ್.

ಉಂದೆತ ವರ್ಗೊ ಲ್ಯಾಗೋ ಮೋರ್ಘ ಪಂದು. ಮೊಲೊಟ್ ಯುರೊಪಿಯನ್ ಮೊಲ, ಹತ್ತಿ ಬಾಲದ ಮೊಲ ಪನ್ಪಿನ ಬಗೆಕುಲ್ ಉಲ್ಲ. ಮೊಲ ದಿನೊಕ್ ಸರಾಸರಿ ೮-೪ ಗಂಟೆ ನಿದ್ರೆ ಮಲ್ಪುಂಡು. ಉಂದೆತ ಕಿಂಜ್ನಿ ದೀಪಿನ ಪೊರ್ತು ಫೆಬ್ರವರಿರ್ದು ಅಕ್ಟೋಬರ್ ಮುಟ್ಟ. ಒಂಜಿ ಪೊಣ್ಣು ಮೊಲ ೮೦೦ ಕಿಂಜ್ನಿಲೆನ್ ಅವ್ ಬದುಕುದು ಉಪ್ಪನ ಮುಟ್ಟ ಪೆದ್ದುಂಡು.

 

1. ಕಾಡ್ ಮೇರ್ - ಕಾಡ್‍ತ ಮೇರ್ ತಬುಕು ತಬುಕುಂದು ಲಾಯ್ತೊಂದು ಪೋಪುಂಡು. ಮೇರ್ ಬಲಿಪುನೆನೊ, ಲಾಯಿಪುನೆನೊ ಪನಿಯರೆ ಆಪುಜಿ.
2. ಸಾಂಕ್‍ನ ಮೇರ್ - ಸಾಂಕ್‍ನ ಮೇರ್ ಗೂಡುತ ಉಲಾಯಿಡೇ ಉಪ್ಪುಂಡು.

ಉಂದು ಸಸ್ಯಾಹಾರಿ (ಮಾಸ ತಿನಂದಿನ). ಉಂದೆಕ್ ತೊಪ್ಪು, ಕ್ಯಾರೆಟ್ ಇಸ್ಟ. ಬೇತೆ ಬೇತೆ ರಂಗುದ ಮೊಲ ಉಂಡು. ಉಂದು ಲೆಪೊರೆಡಿ ಕುಟುಂಬೊ ಸೇರ್ದುಂಡು.

ಉಂದೆತ ಕಣ್ಣು ಕೆಂಪು.

ಪಂಚತಂತ್ರೊ ಕತೆಟ್ ಮೆರ್‍ದ ಕತೆ ಬರ್ಪುಂಡು. ತುಳುತ ಕತೆಲೆಟ್‍ಲಾ ಈ ಕತೆಕುಲು ತಿಕುಂಡು.

• ಆನೆ ಲದ್ದಿ ಪಾಡ್ಂಡ್ಂದ್ ಮೇರ್‌ಲ ಲದ್ದಿ ಪಾಡಿಲೆಕೊ