ಎಡವಲತ್ ಕಕ್ಯಾಡ್ ಜಾನಕಿ ಅಮ್ಮಾಲ್ ಒರ್ತಿ ಭಾರತದ ಪೊಂಜೊವು ವಿಜ್ಞಾನಿ.
ಅಮ್ಮಾಳ್ ಒರ್ತಿ ಖ್ಯಾತ ಸಸ್ಯಶಾಸ್ತ್ರ ( ಮರ ಗಿಡಕುಲುನ ಬಗ್ಗೆ ಕಲ್ದಿನ) ಬೊಕ್ಕ ಜೀವಕೋಶ ವಿಜ್ಞಾನಿಯಾದ್ ಇತ್ತರ್ . ಇಂಬೇರ್ ಸಸ್ಯಲೆನ ಅನುವಂಶಿಕತೆ, ಬೊಕ್ಕ ಸಸ್ಯಶಾಸ್ತ್ರ ಭೂಗೋಳ ಸಂಶೋಧನೆಡ್ ಅಪಾರವಾಯಿನ ಸೇವೆನ್ ಸಲ್ಲಿಸಾದೇರ್. ಅತೇ ಅತ್ತಂದೆ, ಇಂಬೆರ್ ಕೇರಳೊಡು ತಿಕ್ಕುನ ಮರ್ದುದ ಗಿಡಮೂಲಿಕೆಲೆನ್ ಸಂರಕ್ಷಣೆ ಮಂದೆರ್. ಇಂಬೆರ್ ವಿಶ್ವೊದ ಶ್ರೇಷ್ಠ ಗಣಿತ ತಜ್ಞರ್ ಪಂದ್ ಪುದರ್ ಪೋತಿನ ಶ್ರೀನಿವಾಸ ರಾಮಾನುಜನ್ ಅರೆನ ಧರ್ಮಪತ್ನಿ .
ಜಾನಕಿ ಅಮ್ಮಾಲ್ ಕೇರಳದ ತೆಲ್ಲಿಚೇರಿ ಡ್ 1897 ನವೆಂಬರ್ 4 ದಾನಿ ಪುಟ್ಟಿಯೆರ್. ಒಂಜಿ ಸುಸಂಸ್ಕೃತ ಮಧ್ಯಮ ವರ್ಗ ಕುಟುಂಬೊಡು ಪುಟ್ಟುದಿನ ಅಮ್ಮಾಲ್ ಅರೆನ ಪೊಪ್ಪ ಮದ್ರಾಸ್ ತ್ವರಿತ ನ್ಯಾಯಾಲಯೊಡು ಉಪ ನ್ಯಾಯದೀಶರಾದ್ ಇತ್ತೆರ್. ಅಮ್ಮಾಲ್ ಅರೆಗ್ ಆಜಿ ಜನ ಪಲಯೆ ಮೆಗ್ಗೆನಕುಲು ಬೊಕ್ಕ ಐನ್ ಜನ ಪಲಿ ತಂಗಡಿಲು.
ಇಂಬೆರ್ ತನ್ನ ಪ್ರಾಥಮಿಕ ಶಿಕ್ಷಣೊನ್ ತೆಲ್ಲಿಚೇರಿಡ್ ಮುಗಿಪಾದ್ ಬೊಕ್ಕ ಉನ್ನತ ಶಿಕ್ಷಣಕ್ಕಾದ್ ಮದ್ರಾಸ್ ಗ್ ಪೋಯೆರ್. ಅಲ್ಪ ತನ್ನ ಶಿಕ್ಷಣೊದ ಬೊಕ್ಕ ಆರ್ ವಿಮೆನ್ಸ್ ಕ್ರಿಶ್ಚಿಯನ್ ಕಾಲೇಜ್, ಮದ್ರಾಸ್ ಡ್ ಪ್ರಾಧ್ಯಾಪಕರಾದ್ ಸೇವೆನ್ ಸಲ್ಲಿಸಾಯೆರ್. ಅತೇ ಅತ್ತಂದೆ, ಅಮೇರಿಕೊದ ಮಿಷಿಗನ್ ವಿಶ್ವವಿದ್ಯಾಲಯೊಡ್ದು ಶಿಷ್ಯ ವೇತನ ನ್ ಪಡೆದಿನ ಮೇರ್ ಕೆಲಕಾಲ ಅಮೆರಿಕೊಡೇ ಇತ್ತುದ್ದು ಸ್ನಾತಕೋತ್ತರ ಪದವಿನ್ ಪಡೆಯೆರ್.
ಆರ್ ಇಂಗ್ಲೆಂಡ್ ಡ್ 1939- 1950 ವರ್ಷೊ ಕಳೆದ್ ಅಲ್ಪ ಆರ್ ವ್ಯಾಪಕವಾಯಿನ ಉದ್ಯಾನವನದ ಸಸ್ಯೊದ ವರ್ಣತಂತುದ ಮಿತ್ತ್ ಅಧ್ಯಯನ ಮಂತೆರ್. ಕ್ರೋಮೋಸೋಮ್ ಅಥಾವೋ ವರ್ಣ ತಂತುಲೆನ ಸಂಖ್ಯೆಲು ಬೊಕ್ಕ ಪ್ಲಾಯ್ಡಿ ಕುರಿತಾಯಿನ ಅರೆನ ಅಧ್ಯಯೊನುಲು ಅವೇತೋ ಸಂದರ್ಭೊಡು ಜಾತಿ ಬೊಕ್ಕ ಪ್ರಭೇದದ ಮಿತ್ತ್ ವಿಕಾಸದ ಬೆಳಕುನು ಚೆಲ್ಲುದಿತ್ತುಂಡು.
1945ಟ್ ಸಿ. ಡಿ. ಡಾರ್ಲಿಂಗ್ಟನ್ ಅರೆನೊಟ್ಟುಗು ಜಂಟಿಯಾದ್ ಬರೆತಿನ ಕ್ರೋಮೋಸೋಮ್ ಅಟ್ಲಾಸ್ ಆಫ್ ಕಲ್ಟಿವೇಟೆಡ್ ಪ್ಲಾಂಟ್ಸ್ ಒಂಜಿ ಸಂಕಲನವಾದು, ಉಂದು ಅನೇಕೊ ಜಾತಿದ ಬಗ್ಗೆ ತನ್ನದೇ ಆಯಿನ ಹೆಚ್ಚಿನ ಕೃತಿಲೆನ್ ಸಂಯೋಜಿಸಾಂಡ್. ಔಷಧೀಯ ಬೊಕ್ಕ ಬಾಕಿದ ಸಸ್ಯಲು ಅತ್ತಂದೆ ಸೋಲಾನಮ್, ದತುರಾ, ಮೆಂಥಾ, ಸಿಂಬೊಪೊಗನ್ ಬೊಕ್ಕ ಡಯೋಸ್ಕೋರಿಯಾ ತಳಿಟುಲಾ ಅಮ್ಮಲ್ ಕೆಲಸ ಮಂತು ಇತ್ತೆರ್.
ಹಿಮಾಲಯೊಡು ಶೀತ ಬೊಕ್ಕ ಶುಷ್ಕ ವಾಯುವ್ಯ ಹಿಮಾಲಯಕ್ ಹೋಲಿಸಾಂಡಾ ಪಾಲಿಪ್ಲಾಯ್ಡಿಗೆ ಹೋಲಿಸಾಂಡ್ ಹೆಚ್ಚಿನ ಪ್ರಮಾಣಡು ಸಸ್ಯಲೆನ ವಿವರಣೆನ್ ಆರ್ ಆರೋಪಿಸಾದೆರ್. ಅತ್ತಂದೆ ಅರೆನ ಪ್ರಕಾರ, ಈಶಾನ್ಯ ಭಾರತದ ಸಸ್ಯವರ್ಗೊಡು ಚೀನೀ ಬೊಕ್ಕ ಮಲಯನ್ ಅಂಶೊಲೆನ ಸಂಗಮ ಈ ಪ್ರದೇಶದ ಸ್ಥಳೀಯ ಸಸ್ಯವರ್ಗದ ನಡುಟು ನೈಸರ್ಗಿಕ ಮಿಶ್ರತಳಿಗ್ ಕಾರಣವಾತುಂಡು, ಉಂದು ಸಸ್ಯ ವೈವಿಧ್ಯೀಕರಣಕ್ ಕುಡಾತ್ ಕೊಡುಗೆ ಕೊರುಂಡು. ನಿವೃತ್ತಿ ಆಯಿ ಬೊಕ್ಕ , ಅಮ್ಮಲ್ ಔಷಧದ ಸಸ್ಯೊಲು ಬೊಕ್ಕ ಎಥ್ನೋಬೊಟನಿ ದ ಬಗ್ಗೆ ವಿಶೇಷ ಗಮನ, ಅಯಿತ ಕೇಂದ್ರೀಕರಿಸುನ ಕೆಲಸೊನು ಮುಂದುವರೆಸಾದ್ ಇತ್ತೆರ್.
ಆರ್ ತನ್ನ ಸಂಶೋಧನೆದ ಮೂಲ ಆವಿಷ್ಕಾರೊಲೆನ್ ಪ್ರಕಟಿಸೊಂದೇ ಇತ್ತೆರ್. ಆರ್ ವಾಸಿಸೊಂದು ಇತ್ತಿನ ಬೊಕ್ಕ ಕೆಲಸ ಮಂತೊಂದು ಇತ್ತಿನ ಸೆಂಟರ್ ಆಫ್ ಅಡ್ವಾನ್ಸ್ಡ್ ಸ್ಟಡಿ ಫೀಲ್ಡ್ ಲ್ಯಾಬೊರೇಟರಿಡ್ ಆರ್ ಔಷಧಿತ ಸಸ್ಯಲೆನ ಉದ್ಯಾನವನೊನು ಲಾ ಅಭಿವೃದ್ಧಿಪಡಿಸಾದೆರ್. ಆರ್ ಸೈಟೋಲಜಿಡ್ ( ಕೋಶದ ಬಗ್ಗೆ) ಲಾ ಕೆಲಸೊ ಮಂದೆರ್.
ಅಮ್ಮಾಳ್ ಅರೆಗ್ 1935ಟ್ ಭಾರತೀಯ ವಿಜ್ಞಾನ ಅಕಾಡಮಿದ ವತಿಡ್ದ್ ಪ್ರಶಸ್ತಿ ಲಭಿಸುದುಂಡು. 1957ಟ್ ಭಾರತೀಯ ರಾಷ್ಟ್ರೀಯ ವಿಜ್ಞಾನ ಅಕಾಡಮಿ ಮೆರೆಗ್ ಫೆಲೋಶಿಪ್ ಕೊರ್ದು ಗೌರವಿಸಾದುಂಡು. 1956ಟ್ ಅಮೇರಿಕಾದ ಮಿಷಿಗನ್ ವಿಶ್ವವಿದ್ಯಾಲಯೊ ಮೆರೆಗ್ ಎಲ್.ಎಲ್. ಡಿ ಪದವಿ ಕೊರ್ದು ಗೌರವಿಸಾದುಂಡು.
1957ಟ್ ಭಾರತ ಸರ್ಕಾರೊ ಅಮ್ಮಾಲ್ ಅರೆಗ್ ಪದ್ಮಶ್ರೀ ಪ್ರಶಸ್ತಿ ಕೊರ್ದು ಗೌರವ ಸಂದಾಯ ಮಂದೆರ್. ಅತೇ ಅತ್ತಂದೆ, 2000ನೇ ಇಸವಿಡ್ ಭಾರತ ಸರ್ಕಾರದ ಪರಿಸೊರ ಬೊಕ್ಕ ವನ್ಯಸಂರಕ್ಷಣ ಇಲಾಖೆಡ್ದ್ , ವಿಜ್ಞಾನ ಕ್ಷೇತ್ರೊಡು ಸಾಧನೆ ಮಂದಿನಕಲೆಗ್ ಮೆರೆನ ಪುದರ್ ಡ್ ಪ್ರಶಸ್ತಿ ಕೊರ್ಪಿನೆನ್ ಪ್ರಾರಂಭಿಸಾದೆರ್.
This article uses material from the Wikipedia ತುಳು article ಜಾನಕಿ ಅಮ್ಮಾಲ್, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.