ಕುರ್ಸು

ಉಂದೆನ್ ಕುಲ್ಲರೆ ಗಲಸುನ ಆಸನ ಪಂಡ್‍ದ್ಲಾ ಪನ್ಪೆರ್. ಕುರ್ಸುಲೆಗ್ ನಾಲ್ ಕಾರ್ ಇಪ್ಪುಂಡು . ಕುರ್ಸುದ ಕಾರ್ ಏತ್ ಎತ್ತರೊಗ್ ಇಪ್ಪುಂಡು ಪಂಡ್ಂಡಾ ಅವೆಟ್ಟ್ ಕುಲ್ಲುನ ವ್ಯಕ್ತಿನ ತುಡೆ ಬೊಕ್ಕ ಮೊರಂಪು 90° ಇಜ್ಜಾಂಡ ಅವೆರ್ದ್ ಕಮ್ಮಿ ಕೋನೊನ್ಲಾ ರಚನೆ ಮಲ್ಪುವೆರ್. ಇಲ್ಲ್ ದ ಸುಮಾರ್ ಕೋಣೆಲೆಡ್(ಉದಹಾರಣೆಗ್ ಚಾವಡಿ, ಒಣಸ್ ಮಲ್ಪಿನ ಕೋಣೆ) ಸಾಲೆ ಬೊಕ್ಕ ಕಛೇರಿಲೆಡ್(ಮೇಜ್ ದೊಟ್ಟುಗು) ಇಂಚ ಬೇತೆ ಬೇತೆ ಜಾಗೆಲೆಡ್ ಕುರ್ಸುಲೆನ್ ಮರ, ಕರ್ಬೊನ್ ಗಲಸ್‍ದ್ ತರೊತರೊತ್ತ ಬಣ್ಣೊನ್ ಕೊರ್ದು ತಯಾರ್ ಮಲ್ಪುವೆರ್. ರಾಕಿಂಗ್ ಚೇರ್, ವೀಲ್ ಚೇರ್ , ರೆಕ್ಲೈನರ್ , ಆರ್ಮ್‍ಚೇರ್ ಇಂಚ ಕುರ್ಸುಲೆಡ್ ಸುಮಾರ್ ನಮುನೆದ ಕುರ್ಸುಲುಲ್ಲ.

ಮರತ್ತ, ಬೆತ್ತದ, ಕರ್ಬದ ಅತ್ತ್ಂಡ ಪ್ಲಾಸ್ಟಿಕ್ ಡ್ ತಯಾರ್ ಮಲ್ತ್ ನ ವಸ್ತ್. ಸುರುಕು ಉಂದೆನ್ ಮರ ಬೊಕ್ಕ ಬೆತ್ತೊರ್ದು ಮಲ್ತೊಂದು ಇತ್ತೆರ್. ಇತ್ತೆ ಅವು ಕರ್ಬ ಬೊಕ್ಕ ಪ್ಲಾಸ್ಟಿಕ್ ನ್ ಉಪಯೋಗ ಮಲ್ತ್ ದ್ ತಯಾರ್ ಮಲ್ಪುವೆರ್.

ಒಣಸ್‍ಗ್ ಕುಲ್ಲುನ ಕುರ್ಸುಲು

ಈ ಕುರ್ಸುಲೆಡ್ ಸಾಮಾನ್ಯವಾದ್ ಬೆರಿಕ್ಕ್ ಮಾತ್ರ ಸಪೋರ್ಟ್ ಇಪ್ಪುಂಡು. ಉಂದೆನ್ ಒಣಸ್ ಮಲ್ಪಿನ ಟೇಬುಲ್‍ಗ್ ಕುಲ್ಲರೆ ದೀದುಪ್ಪುವೆರ್.

ರಾಕಿಂಗ್ ಚೇರ್(ಕುರ್ಸು)

ರಾಕಿಂಗ್ ಚೇರ್/ಕುರ್ಸುನ್ ರಾಕಿಂಗ್ ಚೇರ್ ಇಜ್ಜಾಂಡ ರಾಕರ್ ಪಂಡ್‍ದ್ ಲೆಪ್ಪುವೆರ್. ಉಂದೆನ್ ರಾಕರ್ ಪಂಡ್‍ದ್ ಲೆಪ್ಪರೆ ಕಾರಣೊ ಅವೆತ್ತ ಕೈ ಸಿ ಆಕಾರೊಡು ಇಪ್ಪುನೈರ್ದಾವರ ಅವೆನ್ ರಾಕರ್ ಪಂಡ್‍ದ್ ಲೆಪ್ಪುವೆರ್. ಈ ಕುರ್ಸುನ್ ಸಾಮಾನ್ಯವಾದ್ ಮರರ್ದ್ ಮಲ್ಪುವೆರ್. ನೆಟ್ಟ್ ಕುಲೋಂದು ಎದುರು ಪಿರ ಆಡಾವರೆ ಆಪುಂಡು. ಕೆಲವು ರಾಕಿಂಗ್ ಕುರ್ಸುಲೆನ್ ಮಡಿಪರೆಲಾ ಆಪುಂಡು.

ನೀಲಿಂಗ್ ಚೇರ್(ಕುರ್ಸು)

ನೀಲಿಂಗ್ ಚೇರ್/ ಕುರ್ಸು ಎಂಚ ತಯಾರ್ ಮಲ್ದೆರ್ ಪಂಡ್ಂಡ ಮೊರಂಪುನ್ ಕುರ್ಸುದ ಸೀಟ್‍ಗದ ಊರುದು ರಡ್ಡ್ ಕಾರ್ ನ್ಲಾ ಪಿರ ಪಾಡ್ದ್ ಕುಲ್ಲುಲೆಕ. ಇಂಚ ಈ ಕುರ್ಸುನ್ ತಯಾರ್ ಮಲ್ಪರೆ ಕಾರಣೊ ಬೆರಿ ಬೇನೆ ಕಮ್ಮಿ ಮಲ್ಪುನ ಉದ್ದೇಸೊಡು.

ಕಛೇರಿಡ್ ಗಲಸುನ ಕುರ್ಸು

ಕಛೇರಿಡ್ ಗಲಸುನ ಕುರ್ಸುಲ್ ಎತ್ತರವಾದ್ ಇಪ್ಪುಂಡು. ಅಂಚನೆ ಅವೆಕ್ಕ್ ಸಾಮಾನ್ಯವಾದ್ ಒಂಜೇ ಕಾರ್ ಇಪ್ಪುಂಡು. ದಾಯೆ ಪಂಡ ಸ್ಟ್ಯಾಂಡ್‍ದ ಲೆಕೊ ಇಪ್ಪುನ ಕಾರ್ ಡ್ ೫ ಚಕ್ರೊಲು ಇಪ್ಪುವ. ಇಂಚ ಇಪ್ಪುನೈರ್ದಾವರ ಕುರ್ಸುಡ್ ಕುಲ್ಲೋಂದು ಎದುರು ಪಿರ ಪೋವೊಲಿ.