Cadièra

cadiera, chadiera, chadèira, chaiera) (sinonims mens espandits: cagira, sèla) es un mòble qu'una persona se pòt assetar dessús, generalament amb dorsièr mas sens braces. Se distinguís d'autres sètis per la quantitat de gents que i es destinada (se son mai d'una, es un sofà), per la preséncia de dorsièr (se n'i a pas: es un taboret), per la manca de braces (se n'i a, es un cadieral) e pr'amor qu'es sonque per una persona soleta (s'es per mai d'una persona e sens braces, es un banc). An generalament quatre pès, encara que i a tanben de versions amb tres pès o encara solament un, que se ramifica dins la basa (especialament per los burèus).

La cadièra èra ancianament, coma lo tròn, un simbòl de poder. Per aquò los faraons egipcians e las esculturas de divinitats grècolatinas son representats assetats. A partir de la Renaissença foguèt un mòble comun de las classas nautas, subjècte a las mòdas del moment. Lo material dominant èra la fusta, amb de coissins de seda, cuèr o tela per mai de confòrt. Al sègle XX se'n produsiguèt una aumentacion de materials e de dessenhs per l'entratge de l'ergonomia.