cyux te inu qu qalang部落概況與位置

tekura htgan wagi ga Zirang , tekura sa byaqan wagi Sinciq tekura sa teyatux Mnka, tekyahu lgaTaychu. qalang Qphay ga cyux kki’an sinpiyang balay mlahang qqalang yal nqu cyux lahuy na muyut puniq, ru pqwasan mlahang laqi cipoq, maki uzi qu ‘sa pkita nbu, ru bhran na pklahang qalang.

sinllwan lalu qalang 地名由來

sraral squliq na qara, ’bu Balung musa msli ru mqwas biru sbilun(留下) nha qphay qu csbil(便當) qlyan(午後) owah nha lga, galun qu cbil nha, ngahi, sehuy, mami trakis,. nyux qphay mkiyaynanu yasa rhiyal qani ga qphay swon nha la.

pinqzyuwan qalang部落遷徙

musa hogal Piyasan ga mhkangi myup bling ru mluw sa hongu hray(鐵線橋), syaw na hongu, maki kya hasisyo na Zipun, mraka squliq musa hogal(前山) ini ga mwah ngasal rgyas ga nanu sika maki qu sinnwalan bira.   sraral hiyal qphay ga qutux balay ngasal, Yawi Tahus minqsu maki kya, babaw nya lga ubay kpyasan mwah tmuhi ngahi sehuy slaq muya papay n_gyut khmay uzi squliq nya la.

kinhmayan squliq人口概況

misuw qani ga kya pusal tzyu blinul ngasal spat pgan qeru msyaw squliq nya cyux maki sqani la, piyux squliq wal mqyanux te hogal, nanak bnkis ru llaqi cikuy cyux sthay.

snhyan部落宗教

qalang Qphay ga sazing qu kyokay nya, qutux ga qphay cyoro kyokay, qutux ga ansok nici kyokay.

’wahan pila經濟與特產

lingay na qalang ga maki qu hopa na tuqiy ru blaq ngngayun na hongu , aring mwah kkmukan mwah msyobay sqani lga maki qu nniqun ru ryokang. maki uzi qu tbaziy qwirux la, ini ga musa sthan sa nniqun ru ryokang  na kmukan la.(打工)

Tuqiy部落交通

qalang Qphay ga cyux maki sa syaw balay na tuqi, ana musa te babaw qalang Balung, ini ga musa te Girang ga siy ga hmenas sa qalang qani mlabang balay qu tuqi nya.

ngngayan部落觀光

misuw qani lga wal n_gyut mhwiy qu kwara qnxan na qalang la, ana mwah okya ga ini piyang mbaziy nnanu uzi la, kruma ga siy henas ini tpru, qutux ryax kya ini tehuk qutux kbhul galan nha uzi la.