baq smli' qsya' qu gamil na qhuniq hiya'.
'n_gyutun nya' posa' qu qsya'. msturing ru mssli'. wal mskura' sa gong ru llyung.
hya' ga qhuniq sawn uzi qu kkayal, qhuniq qani hya ga mutuw galan qayqaya' na ngasal ini' ga qayqaya' pptzyuwaw qmayah.
qhniq hya ga aring sa gamil ru tunux na qhuniq lru qbuci' niya' lru yaqu qara' niya' kya la, musa' tay llyuw lga nanu' yaqu abaw kya la.
qbuci' na qhuniq lga, kya qu yulaq ru hi' na qhuniq, maki' squ hi' na qhuniq ga mluw squ inrkyasan niya' ru kya uzi qu si pgluq mshzyu' kruma' qu tuqi hya', ga kya uzi qu ptqipay la tuqi na inrkyasan niya' uzi. kruma' ga yasa qu ptqara' lga, m'mumu' haru hmbku' kya qu qara' niya' la.
tayhuk sa pkbwazyan niya' lga, ptnaral hru mkphpah kya la, ru wahan p'imaw na hzing qu qmu' na phpah niya' lga, yasa qu thuzyay' maki' qu bway niya' la, nanu' blaq qu pinkbway niya' ga, krahu' qu bway niya' lru thuzyay' kya uzi qu qpuri' niya' la, nanu' yaqu qpuri' niya' qasa qu mshutaw lru hmbku' kya lawzi qu hbku' na qhuniq giqas lawzi la.
This article uses material from the Wikipedia Tayal article qhoniq, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另有註明,否則頁面內容均以 CC BY-SA 4.0 條款授權。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tayal (DUHOCTRUNGQUOC.VN) is an independent company and has no affiliation with Wiki Foundation.