zyawu na matas rqyas qani ga, gaga na ’tayal ru seciq.
nanu’ qu knita’ na ’Tayal qu sun thayluw ka Isu squ Mesyue’ qani, knita’ na tayal hya’ ga, twahiq balay sa qnxan naha’ qani hya’.
yalaw gi qnxan na tayal sraral hya’ ga, nanu’ qu Isu squ Mesyue’ qani ga, mutuw sawn Tayal maha kkyalan na mmqilang qu tmring sa zyuwaw qasahya’.
yalaw gi wayal sa musa’ hmkangi’ sa ttwang naha’ sa ini’ pntayhuk kinluh naha’ qutux qutux kawas, ungat ana qutux hi’ ini’ ‘nkux sa qqyanux naha’ kwara’, nanu’ yasa qu ungat ana qutux musa’ lmnglung sa zyuwaw na Isu squ Mesyue’ qani.
atu’ na paykrawn ta’ squ Isu na ‘tayal aring sraral qani lmnglung ga, musa’ nanak ya’qu patas rqyas na Tayal nanak qu musa’ nangi’ mtntnaq cikay, kwara’ lga ungat la.
na ptasan’ qani ga, taring squ mciriq ki paris mkkut lga, mcyapiq lru lhingn naha m spalis la.
’Tayal hya’ ga ptas an nasquliq. qaniy hya’ ga niwan yasa qu sinbbaq sa ‘Tayal maha kwara’ knita’ na squliq sa ‘Tayal hya’.
sa maki’ sqani na’ qu Thawki’ na Plmukan na’ ga “Wangcfan” sawn naha’ smlalu’, musa’ ta’ swalan qu kkyalan naha’ qani hya’, gi minkahul sa knita’ naha’ nanak qu kkyalan qani hya’.
This article uses material from the Wikipedia Tayal article ptasan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另有註明,否則頁面內容均以 CC BY-SA 4.0 條款授權。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tayal (DUHOCTRUNGQUOC.VN) is an independent company and has no affiliation with Wiki Foundation.