Hawngu Utux Sun Na Tayal

hawngu’ Utux sun Tayal (泰雅族的靈橋─彩虹)

Hawngu Utux Sun Na Tayal

hya’ ga mutuw ta’ ktan sa kayal na bun wagi’ sa zmawas cikay rnawsan lngut kayal ka blaq balay ktan na hawngu’, ru ini’ baqiy tmring na qba’ qasa, nanu’ yasa qu sun naha’ maha hawngu’ na Utux kya la.

kya qutux qu pinqzyuwan nbkis sraral maha, sraral ga mnaki’ kya ‘tuxan kwara’ qu Tayal ha, ru yalaw gi wal hriqun na kruma’ ka mrawi’ na Tayal qu Ggaa’ na ‘tuxan, ru ms’ang qu Utux lru ppgyarun niya’ sa nyux ta’ ki’an rhzyal ta’ qani la, nanu’ yaqu hntuy na Utux maha kana quriq mwah lawzi sa ‘tuxan qu zqzyaqih na Tayal qasa, ru qaysun niya’ na wsilung Utux qu zyuwaw na ‘tuxan squ nyux ki’an rhzyal Tayal qani la, ru hawngwan niya’ na hawngu’ utux maha wwahan utux minhuqil tayal qani, ru klhangan niya’ puqing hawngu’ , yaqu pbzyagan niya’ sa kya qu wal gmluw balay sa snbil niya’ Gaga’ ga, yasa qu musa’ thuzyay tayhuk sa qalang ’tuxan ma. nanu’ kya qu ini’ gluw Gaga’ sinbilan niya’ lga, iyat pthuzyay mluw hawngu’ musa’ sa ‘tuxan niya’ la.

nanu’ yasa qu baqun kwara’ na Tayal maha hawngu’ na utux qani ga, sni’ na Utux sa kya qu qngzyat balay magal sa sni’ gaga’ na Utux mqyanux ga, musa’ thuzyay mkhawngu’ musa’ kya sa ‘tuxan, gi ’tuxan qasa hya’ ga cyuw aylhuyan maki’ nqu kwara’ utux na nnbkis sraral Tayal, gi yasa qu kinki’an na Tayal sraral uzi.

aw’ ruw baqun kwara’ na Tayal uzi maha nanak hawngu’ Utux qani qu tuqiy ’awsa’ sa ‘tuxan rwa! nanu’ yasa qu spatas naha’ sa rqyas maha kana naha’ zngiy krayryax qu pinsbaq Gaga’ na Utux qasa.

babaw niya maki’ kwara’ patas rqyas naha’ lga, mngaygyut naha’ ini’ siy iyal inlungan qu nanu’ qu Gaga’ sni’ naha’ sa matas rqyas qasa lru, niwan ungat lqu inkawxan naha’ sa qnxan naha’ lru, syun lawzi gaga’ na nbkis maha si ki mawtux musa’ maytaq qsinuw qu mrkyas mlikuy lga, yasa qu tlhuyan naha’ kya la, ru laqi’ knayril hya’ lga, siki baq balay tminun lga yasa qu ptasan naha’ rqyas uzi la. nanu’ yan nasa lru aring kya qu pzngatan naha’ musa’ tmqsinuw lqu mrkyas mlikuy ru, qngzyat mqbaq tminun kya uzi lqu mmkrakis tayal la.

nanu’ yan qani qu pin’buyan gaga’ na matas rqyas tayal squ hawngu’ na Utux qani.

Tags:

🔥 Trending searches on Wiki Tayal:

Alexander LukashenkoScott Adsittmangux abaxKent BensonVietnamTpuqungasalMongoliarhzyalSri lankaMoisés AriasKim AndersonGerald BrownTamahuTakinustaLiam AikenHaruhi goCilo’ohayKalisahanKyo’ikbuKim Jong-unMaytayaxbgayawqmalupGreg BallardDaniel OrtegaAustraliaPeruClaude AkinsKatankaMamnoon HussainKeith BogansBenjamin NetanyahuHupuMark AlarieJonathan AhdoutTerrell Brandongaga skbaley saliDon AckermanGreenlandParupugaga na p’umah cyoliSulunganChris HipkinsChildren (Robert Miles single)YemenNarendra ModiMarShon BrooksSerzh Azati SargsyanGhazi Albuliwiwagi'Maithripala SirisenallyungKatatipulbay'nuxKnlibuDavid KabuaTuapuuTamalakawIbrahim Mohamed SolihDrangadrang YangKinayimankayal(天空;天氣)🡆 More