Pandi Geço

Ai ishte gjithashtu autori i parë i teksteve akademike të gjeografisë së Shqipërisë.

Pandi Geço ka lindur në Korçë, Shqipëri në 1913. Ai ishte djali i vetëm i Niko Geços dhe Katerina Ballaurit. Arsimin fillor e kreu në qytetin e vendlindjes, Korçë, ku vazhdoi dhe shkollimin e mesëm në gjuhën frënge në Liceun Kombëtar Shqiptar. Në 1935, pasi përfundoi studimet e mesme në Liceun e Korçës, shkoi për të studiuar gjeografi në Universitetin e Sorbonës në Paris, Francë. Ai u diplomua nga ky universitet në 1940 dhe po atë vit u kthye në atdhe, ku u emërua pedagog në të njëjtin Lice ku kishte studiuar vetë.

Pandi Geço ka publikuar një sërë veprash në gjuhën shqipe dhe atë frënge :

• Shqipëria - pamje fiziko-ekonomike, 1959
• Gjeografia fizike e Shqipërisë, 1963
• Mendime për rajonizimin gjeografik të Shqipërisë, 1964
• Gjeografia ekonomike e Shqipërisë, 1970
• Fjalor i termave të gjeografisë: shqip-rusisht-frëngjisht, bashkautor me F. Lekën dhe L. Dodbibën, 1975
• Në "Studime Historike":

* Tendenca e zhvillimit të forcave prodhuese në RPSH, e parë ne planin historiko-gjeografik, 1972
* Disa aspekte të evolucionit të qytetit shqiptar gjatë shek. XX, 1975/4
* Disa aspekte të evolucionit të popullsisë fshatare të RPSSH, 1977/4

• Në "Ethnographie albanaise":

* L'accroissement de la population urbaine dans la République Populaire d'Albanie et sa nouvelle répartition géographique, 1976

• Në "Studime Gjeografike":

* Një vështrim i shkurtër fiziko-gjeografik mbi Ultësirën e Shkodrës, 1985