شیخ اکبر محی الدین محمد ابن العربی الحاتمی الطائی الاندلسی (1240ء—1165ء)، دنیائے اسلام دے ممتاز صوفی، عارف، محقق تے علوم دا بحر بیكنار ہن۔ اسلامی تصوف وچ آپؒ كوں شیخ اکبر دے ناں نال یاد كیتا ویندے تے تمام مشائخ آپؒ دے ایں مقام تے تمكین دے قائل ہن۔ عام خیال ایہ ہے کہ تصوف اسلامى وچ وحدت الوجود دا تصور سب توں پہلے انھاں نے ہی پیش کیتا۔ انہاں دا قول ہئی کہ باطنی نور خود رہبری کریندے۔ بعض علما نے انہاں دے ایں عقیدے کوں الحاد و زندقہ نال تعبیر کیتا ہے۔ مگر صوفیا انھاں کوں شیخ الاکبر آہدے ہن۔
انہاں دی تصانیف دی تعداد پنج سو دے قریب ہے۔ جنہاں وچ فصوص الحكم تے الفتوحات المکیہ (4000 صفحات) بہت مشہور ہن۔ فتوحات المكيۃ 560 ابواب تے مشتمل ہے تے کتب تصوف وچ اس دا درجہ بہت بلند ہے۔
آپؒ اندلس دے شہر مریسیہ وچ 27 رمضان المبارک 560ھ مطابق 1165ء کوں ہک معزز عرب خاندان وچ پیدا تھئے، جیہڑا مشہور زمانہ سخی حاتم طائی دے بھرا دی نسل توں ہئی۔ 620ھ وچ آپؒ نے دمشق کوں اپݨا وطن بݨایا، جتھوں دے حاکم الملک العادل نے آپؒ کوں اتھاں آ کے رہݨ دی دعوت ݙتی ہئی۔ اتھاں آپؒ نے 28 ربیع ا لآخر 638ھ مطابق 1240ء کوں وفات پاتی تے جبل قاسیون دے پہلو وچ دفن کیتے گئے تے آپؒ دا مزار اقدس اج تک مرجع خواص و عوام ہے ۔
آپؒ دے والد مریسیہ دے ہسپانوی الاصل حاکم محمد بن سعید مرذنیش دے دربار نال متعلق ہن۔ ابن عربی ابھی اٹھ سال دے ہن کہ مریسیہ تے مؤحدون دے قبضہ کرݨ دے نتیجہ وچ آپؒ دے خاندان کوں اتھوں ہجرت کرنی پئی۔ چونکہ اشبیلیہ پہلے توں موحدون دے ہتھ وچ ہئی، اس واسطے آپؒ دے والد نے لشبونہ (حالیہ پرتگال دا دار الحکومت لزبن) وچ پناہ گھدی۔ البتہ جلد ہی اشبیلیہ دے امیرابو یعقوب یوسف دے دربار وچ آپؒ کوں ہک معزز عہدہ دی پیشکش تھئی تے آپؒ اپݨے خاندان سمیت اشبیلیہ منتقل تھی گئے، جتھاں ابن عربی نے اپݨی جوانی دا زمانہ گزارا۔
ابن عربیؒ دى مندرجہ ذيل كتاباں دا اردو ترجمہ موجود ہے۔
دا ترجمہ 2001 وچ لاہور توں شائع تھیا ہے مترجم محمد شفيع ہن۔
مملكت انسانی کی اصلاح میں خدائی تدبیریں دسمبر 2008 كوں شائع تھئی۔
مکمل عربی متن اردو ترجمے تے شیخ اکبر دے نزدیک احادیث دی اہمیت تے شامل مقدمے دے نال ابن عربی فاونڈیشن پاکستان توں شائع تھئی۔ تحقیق عربی متن: اسٹیفن ہرٹنسٹائن تے مارٹن ناٹ کٹ مترجم: ابرار احمد شاہی
، تدوین عربی متن: ڈینس گرل (داؤد الفقیر) فرانسیسی اسکالر، ابرار احمد شاہی
This article uses material from the Wikipedia سرائیکی article محی الدین ابن عربی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.