مجاہد جتوئی دیاں لکھتاں

۔ مِٹھا پیارا جہانگیر مخلص  کروڑاں سرائیکیئں دی  ݙُکھ بھری سوچ کوں مناسب الفاظ ݙتن  ۔انہاں توں پہلے وی ایں انداز دی ڳالھ موجود ہئی پر او  صرف مونجھ ، ارمان  توں دٻی دٻی مذمت تک محدود ہئی ۔

  ضرورت  مسئلے کوں ارمان تے مذمت دے نال  مزاحمت  تک گھن ونڄݨ دی ہئی جیرھی جہانگیر مخلص دے نصیب وچ لکھی کھڑی ھئی ۔  

جہانگیر مخلص مقبوضہ سرائیکی وطن دے جیرھے حصے  دا حصہ ہا  اُتھاں داخلی تے خارجی ظلم تے ظالم  بھیئوال ہن ۔ ایں سانگے جہانگیر مخلص کوں ݙوں رُخی جنگ لڑنی پئے ڳئی  ۔ تے مخلص اے جنگ لڑ ݙکھالی اے  ۔

زوال زدہ قوماں کوں  عام طور تے آپݨے ظالمیں تے قابضیں دے نال عشق بلکہ انہاں دی عبادت  دی بیماری ہوندی اے ۔

مخلص نال لوکیں دی بے تحاشہ محبت ایں ڳالھ دا ثبوت ہے جو لوک سُڄاک ہِن  لوک سرائیکی وطن دے کعبے وچ انہاں جعلی خداویں دے بُتیں کوں سجدہ کرݨ کرݨ کنوں انکاری ہن  ایں حال وچ

جیویں سچ دی بانگ ݙیوݨ والے بلال دی  ،،  س ،، کوں ،،  شین ،، دا درجہ حاصل ہے تے اوں بانگے دی چِچری زبان کہیں دی  بظاہر صاف زبان توں ودھ تے سمجھ امدی اے ایویں وطن وسیب کوں جہانگیر مخلص  دی چچری زبان زیادہ صاف سمجھ امدی اے  ۔ پر ھُݨ کہیں کہیں ویلھے ایویں لڳدے جو مخلص آپݨے پورے اخلاص دے نال کتھاہیں کھڑ تھئے ( صرف مصائب پڑھݨ والے ذاکر وانگے )

       اے وی ٹھیک اے جو جے تئیں مصائب رھسن  تاں  مصائب پڑھݨ والے ذاکر دی لوڑھ وی رھسے

ہر  کاش جہانگیر مخلص ݙوں رُخے   فیشنی دانشوریں  دے  ٹولے توں آپݨی جان چُھڑا آوے  ۔ خاص طور تے شام ویلھے

شیت جہانگیر مخلص وی ایں وِتھی کوں چنڳی طراحویں محسوس  کریندے ۔  ایں سانگے زیادہ لطیفے ، چُٹکلے تے ٻٹ کڑاک وچ خود کوں تے وسیب کوں وِندلاوݨ دی کوشش کریندے ۔

اساں ایں یقین دی حالت وچ ھیسے جو دارالخلافے والے یزیدی دربار وچ  مخلص سچ دیاں بانگاں ݙتی رکھسے  اساکوں اوندی طرفوں  ،، ش ،، کوں  ،، س ،، پڑھݨ ،، زیادہ بھمدے  ۔

شالا ہر ویلھے  خیر نال ہووے  میݙا تے پورے سرائیکی وطن وسیب دا مخلص ۔ جہانگیر مخلص

نیاز مند مجاھد جتوئی ۔

ڈوجھی لکھت

چنڳی ڳالھ تے  خوشخبری

الحمد للہ ہک نا پسندیدہ ، طویل بحث دے مُکݨ دا ویلھا مزید نزدیک تھی ڳئے

،، شھر بھنبھور تے تخت لہور  ،، والی  لاحاصل بحث دے خاتمے دا وقت آ ڳئے

پہلے تاں ادے ظہور احمد دھریجہ سیئں  اوں کمیٹی کوں تسلیم  چا کیتے  جیئں وچ اساں خود انہاں دی پی ایچ ڈی اسکالر بالڑی عاصمہ ظہور صاحبہ

انہاں دے عالم فاضل بھݨیجے ڈاکٹر نذیر احمد بزمی  صاحب

انہاں دے پی ایچ ڈی اسکالر بھتریجے زبیر احمد دھریجہ صاحب

پی ایچ  ڈی اسکالر  ڈاکٹر  مرید  عارف صاحب تے

ڈاکٹر سید عصمت اللہ شاہ صاحب پی ایچ ڈی فریدیات

تے مشتمل کمیٹی کوں فیصلے دے کیتے اہل سمجھ تے تسلیم کیتا ہا  ۔ تے

الحمد للہ ظہور دھریجہ صاحب وی اینکوں تسلیم کر تے دربار فرید کوں ایں فیصلے دے کیتے مناسب جاہ قرار ݙتا  ۔

اوں ݙینھ دے بعد اساں ہر  ݙوں ترئے ݙینھ  بعد کوٹ مٹھݨ ونڄ تے انہاں دے آوݨ دا  انتظار کریندوں  ۔

ھُݨ مزید چنڳی  تے بہترین ڳالھ اے تھئی اے جو تہاݙے اساݙے متفقہ ، مشترکہ محبوب دانشور سردار عاشق خان بزدار سئیں ایں پُراݨی بحث کوں مُکاوݨ دے کیتے 9 سال دے  عرصے  وچ ، عظیم جدوجہد  دے نال کئی عظیم ناقابلِ تردید  شہادتاں کٹھیاں کر تے ہک واری ول فیس بک تے ظاہر  آن تھئین  تے اُتھاں میدان لا ݙتے نے ۔

الحمد للہ اے ٻہوں چنڳاں تھئے  ۔ اے روز دی کِھچ کِھچ ، کھپارا تے بے لذت  بحث  مُکے

اساݙی نظر وچ بہترین ہوسے جو  سردار عاشق خان بُزدار سئیں ، ادا ظہور احمد دھریجہ سیئں تے ٻئے انہاں دی رائے دے نال متفق  سارے احباب کٹھے تھی تے ایں مسئلے کوں ہکے واری مُکاؤں چا

مزید چنڳاں اے تھئے  جو اساݙے مہان اسکالر  استادالاساتذہ خان ممتاز خان کلیاݨی سیئں وی ایں حوالے  نال ہک واضح پوزیشن اختیار کر تے اوندا اظہار تے اعلان  فیس بُک دے فورم تے کیتے چا  ۔ یعنی  کم مزید آسان اتے حل دے قریب تھی ڳئے

اساں اہدوں جو  اے بہترین موقع ضائع نہ تھیوے  ۔ ایں بدمزہ تے لاحاصل بحث کنوں وسیب دی جان چُھٹے ۔ صلاحیتاں دا مزید نقصان  نہ تھیوے  ۔ وݙے وݙے ایشوز سامنے ہن  تے اساں ایں ناپسندیدہ بحث وچ اُلجھیے کھڑوں  ۔ میں حسبِ وعدہ منتظر ہاں  

ہا  جے کر کجھ احباب کوں میݙی کم علمی دی وجہ نال میݙے نال بحث مباحثہ چنڳاں نہ لڳدا ہووے تاں میں اپنی طرفوں  منت ترلا  کر تے چار پنج قابل لوکیں دے نام پیش کر سڳداں

1 ڈاکٹر محبوب تابش سیئں ،

2 محترم  ضیاء اللہ خان سیال سیئں ،

3 محترم مرزا حبیب الرحمان سئیں. یا

4 محترم پروفیسر شہباز نیر ایم فل فریدیات  وغیرہ وچوں کوئی ہک میݙا موقف پیش کریسے تے  جو وی ہوسے  میں او نتیجہ قبول کریساں  ۔  

تاں جو وسیب دے کیتے اساں کوئی چنڳی مثال قائم کروں  ، ڈھیر وقت ضائع تھی ڳئے  ۔  ست بسم اللہ