سرائیکی افسانہ نگار زنانیاں

مسرت کلانچوی

مسرت کلانچوی سرائیکی افسانہ نگار زنانیاں وچّوں سبھ تُوں پہلی زنانی دا اعزاز رکھین٘دین۔ انہاں دا افسانوی مجموعہ ’’اُچی دھرتی جھکا اَسمان‘‘ (۱۹۷۶ء) شائع تھیا تے ایہ سرائیکی دا پہلا چھپیل افسانوی مجموعہ ہے۔ ایں مجموعے تے اَٹھ افسانے وچ سرائیکی وسیب دی تریمت دے مسائل کوں نمایاں کیتا ڳئے۔ انہاں دا ݙوجھا افسانوی مجموعہ ’’ڈُکھن کنیں دیاں والیاں‘‘ تلویں تے درمیانے طبقے نال تعلق رکھݨ والیاں تریمتیں دے مسائل دی کتھا، کرداراں دے زبانی بیان کیتی ڳئی ہے۔

بتول رحمانی

بتول رحمانی ’’سانجھ‘‘ انہاں دے سرائیکی افسانیاں دا مجموعہ، جیندے وچ سرائیکی وسیب تے شہری اتے دیہاتی ماحول، کرداراں،جاگیردارانہ نظام دے جبر، سماجی استحصال، تریمت دیاں قربانیاں، مرد دی خود غرضی کوں بیانیہ اتے کتھائیں علامتی انداز وچ پیش کیتے۔

بشریٰ قریشی

بشریٰ قریشی دے افسانیاں دا مجموعہ ’’پیت پریت‘‘ جینکوں ۱۹۹۷ء وچ اکادمی ادبیات دی طرفوں ’’خواجہ فرید ایوارڈ‘‘ ݙتا ڳیا۔ انہاں دے افسانے رومانوی تے طربیہ اظہار دا امتزاج ہن۔

ڈاکٹر غزالہ احمدانی

ڈاکٹر غزالہ احمدانی دے افسانیاں دا مجموعہ ’’اڄ دی ماروی‘‘ سن ۲۰۰۰ء وچ شائع تھیا۔ ایندے وچ خواتین دے مسائل، شک وہم، معاشرتی اونچ نیچ، دھرتی ماء نال پیار جھیٔں موضوعات شامل ہن۔

رابعہ خان

رابعہ خان دا افسانوی مجموعہ ’’ساہویں سُول بسیرا‘‘ ۲۰۰۷ء وچ شائع تھئے۔ جیندے وچ عورت دے معاشرتی مسائل، عامر فہیم سادہ زبان وچ پیش کیتے ڳئے ہن۔

• سرائیکی افسانیاں دے تراجم

• سرائیکی افسانہ

• سرائیکی افسانے دا ارتقاء

• سرائیکی افسانہ لِکّھت کار

• افسانیاں دے مجموعے

• پاکستانی مصنف زنانیاں۔۔۔۔۔۔۔۔۔