اسلام وِچ زنانیاں

اِسلامی تاریخ دے وِچالے وِچ زنانیاں دی سماجی اَتے روحانی حیثیّت کوں جِنّھاں شئیں نے اثر انداز کِیتا ہِے اُنّھاں وِچ اِسلام دا مقدس متن، قرآن مجید، حدیث، سنتِ رسول اللہ (حضرت محمدِ مصطفیٰ صلی اللہ علیہ و آلہٖ و سلم)، اجماع، قنُون سازی وِچ اتفاقِ راؑے، قیاس، ہِکّو جئیں حالات وِچ قنُون دا قیاس کرݨ، فتویٰ، مذہبی نظریات یا قنُون دے نقطۂ نظر دے بارے وِچ غیر پابند رائے یا فیصلے، شامل ہِن۔

مسلم زنانیاں کِیتے اسلام دے تحت اثرات دے چار ذرائع ہِے۔ پہلے ݙو قرآن تے حدیث، بنیادی ذرائع سمجھے وین٘دے ہِن۔ جاں جو ٻئے ݙو ثانوی اَتے حاصل شدہ ذریعے ہِن جین٘دے وِچ اسلامی فقہ دے انجو انج سکولاں اَتے مسلم فرقیاں دے وِچالے اختلاب ہِے۔ اجماع، قیاس، فتاویٰ اَتے اجتہاد دے رُوپ وِچ مؤثر ثانوی ذرائع ہِن۔

بنیادی ذرائع

اسلام وِچ زنانیاں کُوں قُرآن کریم اَتے حدیث دے تحت کئی رہنمائیاں کِیتیاں ڳئیاں ہِن۔ اِنّھاں رہنمائیاں کُوں فقہ (اسلامی قنُون)، تے مستند حدیث توں حاصل تھیوݨ آلے تشریحاں اَتے جمہور علماء دے نظریے دے ذریعے سمجھیا وین٘دا ہِے۔ اِنّھاں تشریحاں اَتے اِنّھاں چَلن اِیں ویلے مسلم دُنیا دے تاریخی تناظر وِچ ہِن جِہڑیلے اِیہ تشریحاں لِکّھے ڳئے ہَن۔

ثانوی ذرائع

اِسلام دی زنانیاں اُتے اثر و رسوخ دے بنیادی ذرائع ہر ممکنہ صورت حال نال نٻڑݨ کِیتے کافی کائے نِھیں۔ اِیں وجہ کنُوں اسلامی فقہ تے مذہبی سکولاں نے ترقی کِیتی۔ مذہبی عُلماء نے مسلماناں کِیتے صحیح مذہبی طریقہ لبَّھݨ کِیتے معتبر دستاویزاں، داخلی بحثاں دی نشان دہی اَتے اتفاقِ رائے قائم کرݨ کِیتے وسائل دے حوالے کِیتے ہِن۔ اِیہ سبّھے زنانیاں کِیتے اثر تے رسوخ دے ثانوی ذرائع ہِن۔ اِنّھاں وِچ اجماع، قیاس، اجتہاد اَتے فتاویٰ وی شامل ہِن۔

اِسلام وِچ صنفی کردار ݙو قاعدیاں اُصولاں دے نال رنگا رنگ ہِن: ١: زنانیاں اَتے مرداں دے وِچالے وِچ روحانی برابری۔ اَتے ٢: اِیہ وِچار جو زنانیاں کِیتے زنانیت اَتے مرداں کِیتے مردانگی۔

روایتی محاذ

قرآن کریم -( اسلام دا مقدس متن) اتے محمد صلی اللہ علیہ وسلم دی ٻولی یا فعل (سننہ) مرد تے زنانی ݙُون٘ہائیں دے علم حاصل کرݨ دے حق دی برابر وکالت کرین٘دا ہِے۔

زنانی کُوں ٻہوں سارے قنُوںی تحفظ وی حاصل ہِن۔

وراثت وِچ حق

اسلامی معاشرے وِچ زنانی کُوں وراثت وِچ حِصّہ ݙِتّا وین٘دا ہِے۔

مجرمانہ معاملے

ڄیکر زنانی کہِیں مجرمانہ سرگرمی وِچ ملوث پاتی ون٘ڄے تاں اُون٘دی سزا اُوہو ہِے جیڑھی مرد دی ہوسی۔

زنانی دی اُڳاہی

اسلام وِچ زنانی دی اُڳاہی دے حوالے نال ݙو ونکیاں دی آراء پاتی وین٘دی ہِے۔ کُجھ دے نیڑے زنانی دی اُڳاہی مرد دی اُڳاہی دے برابر ہِے، جاں جو کُجھ دے نیڑے ݙو زنانیاں برابر ہِن ہِک مرد دے۔

زنانی اپݨی مرضی نال شادی کر سڳدی ہِے۔

ڄیکر زنانی اپݨی شادی توں خوش کائے نِھیں تاں خُلع وی گِھن سڳدی ہِے۔

اِسلامی حد ٻَنّیاں وِچ رہن٘دے ہوئے پہناوے پاوݨ دی اَزادی ہِے۔

• حضرت خدیجہ
• حضرت عائشہ بنت ابی بکر

• اسلام وِچ زنانی دی اُڳاہی
• زنانیاں دیاں مسیتاں
• اسلام دیاں عالمہ زنانیاں دی تن٘دِیر
• قُرآن مجید وِچ تِرِیمتاں دا ذکر