නිල්මිණි තෙන්නකෝන්

විශේෂයෙන් රූපවාහිනියෙහි සක්‍රීය, අතිශයින් නිපුණතා සපිරි නිළියක් වන ඇය, බොහෝ දේශීය සම්මාන උළෙලන්හිදී හොඳම නිළිය සම්මානයෙන් කිහිප අවස්ථාවන්හිදී පිදුම් ලැබුවාය. සිංහල සිනමාවෙහි "කඳුලු බිංදුව" ලෙසින්ද ඇය බොහෝ විට හැඳින්වෙයි.

මොරටුවෙහිදී ඇය උපත ලද්දේ 1965 ජනවාරි 23 දිනදීය. ඇය සතුව උරෝජාතයන් දෙදෙනෙකු වන අතර, වැඩිමහල් සොහොයුරෙක් සහ බාල සෙහොයුරියක් ලෙසිනි. ඇයගේ පියා ව්‍යාපාරිකයෙක් විය. ඇයගේ වයස අවුරුදු 13 ක් වෙත්ම ඔහු මිය ගියේය. වේල්ස් කුමරි විදුහලෙන් ඇය අධ්‍යාපනය සම්පූර්ණ කලාය.

ජනප්‍රිය ගායක මධුමාධව අරවින්ද සමග ඇය විවාහ වී සිටි අතර, ඔවුනට ශ්වෙතා මන්දාකිණි නමින් එක් දියණියක් සිටියි. ඇයට මධු හමුවූයේ 1992 වසරෙහිදී පිණි බිඳු ටෙලි නාට්‍යය තුලදීය. ඔවුහූ 1996 මැයි 5 දිනදී විවාහ වූහ. 2000 ගණන් වල මුල් භාගයෙහිදී ඔවුහූ දික්කසාද වූහ. ඇයගේ දෙවන විවාහය යෝජනාවක් ඔස්සේ සිදුවූ අතර එයද දික්කසාදයෙන් කෙළවර විය.

1980 ගණන් වලදී, 7 වන ශ්‍රේණියෙහි උගෙනුම ලබද්දී ඇය පාසැල් වේදිකාවෙහි රඟ දැක්වීමට පටන් ගත් අතර වජිරා චිත්‍රසේන මහත්මිය යටතේ නැටුම් හැදෑරුවාය. ඉන්පසු ඇය මොරටුවෙහිදී ගුවන්විදුලි ශීල්පිණි චිත්‍රා කුමාරි කළුබෝවිල යටතේ "පහත රට" සහඋඩරට නැටුම් පුහුණුව ලද්දාය. චිත්‍රාගේ මගපෙන්වීම යටතේ ඇය රූපවාහිනියෙහි පෙන්වුණු සසර නම් මුද්‍රානාට්‍යයක රංගන දායකත්වය දැක්වූවාය.

ජනප්‍රිය අධ්‍යක්ෂක රෝයි ද සිල්වා සහ නිළි සුමනා අමරසිංහ විසින් ඇය සිනමාවට හඳුන්වා දෙන ලදි. හිත හොඳ චණ්ඩියා චිත්‍රපටයෙහි නැටුම් දර්ශනයක ඇය රඟ දැක්වූවාය. ඒම කාල සීමාවෙහිදීම, ඩී. බී. නිහාල්සිංහ විසින් ඔහුගේ රූපවාහිනී වෙළෙඳ දැන්වීම් වල තෙන්නකෝන් භාවිතා කොට ඉන්පසුව දිමුතු මුතු නාට්‍යයෙහි "අමරාවතී" චරිතයද ඉන්පසුව කෙළි මඬල 1991 චිත්‍රපටයෙහි චරිතයක්ද ඇයට ලබා දුනි. ඇගේ ප්‍රධාන රූපවාහිනී රඟපෑම එළිදැක්වුණේ නාලන් මැන්දිස් අධ්‍යක්ෂණය කල පස්සෙ ගෙනා මනමාලි වෙතිනි. ඉන්පසු ඇය ඉරිදා දිනවල රූපවාහිනී නාලිකාවෙහි වසර ගණනක් තුල ප.ව. 8.30ට දර්ශනයවූ දූ දරුවෝ ජනප්‍රිය රූපවාහිනී කතාමාලාවෙහි රඟදැක්වූවාය. මෙම දූ දරුවෝ කතා මාලාවෙහි ඇයගේ '"දීප්ති" නම් චරිතය ඇගේ අභිවෘත්තියෙහි ප්‍රධාන සාර්ථකත්වයක් විය.

ඇයගේ මංගල සිනමා අත්දැකීම වූයේ ලූවී වැන්ඩර්ස්ට්‍රැටන් අධ්‍යක්ෂණය කල මව්බිම නැත්නම් මරණය 1985 චිත්‍රපටයෙහි සුළු චරිතයක් තුලිනි. ඇයගේ පළමු ප්‍රධාන චරිතය පණගැන්වුනේ සුනිල් සෝම පීරිස් අධ්‍යක්ෂණය කල 1990 චිත්‍රපටය යුක්තියට වැඩ වෙතිනි. ඇය දායකත්වය සැපයූ ජනප්‍රිය චිත්‍රපට අතර කෙළි මඬල, නගරන් සහලේ කිරි කඳුල වෙති.

1992 වසරෙහිදී, හොඳම නැගී එන නිළිය වෙනුවෙන් සරසවිය සම්මානය ඇය විසින් දිනා ගන්නා ලද්දේ සුරනිමල චිත්‍රපටයහෙි ඇයගේ භූමිකාව වෙනුවෙනි. ලේ කිරි කඳුළු චිත්‍රපටයෙහි "වීණා" භූමිකාව වෙනුවෙන් ඇය හොඳම නිළිය සඳහා සරසවිය සම්මානය දිනුවාය. ඉන්පසුව වඩාත් ජනප්‍රිය ටෙලි නාට්‍ය නිළිය වෙනුවෙන් සම්මානය ඇය අඛණ්ඩව වාර්තාගත වසර හයක් තිස්සේ දිනා ගති. 2008 රයිගම් ටෙලීස් සම්මාන උළෙල තුලදී, ෂර්ලි. පී. දෙලන්කාවල විසින් අධ්‍යක්ෂණය කෙරුණු හැන්දෑව කතා මාලාවෙහි "ටිකිරි මැණිකා" භූමිකාව වෙනුවෙන් හොඳම නිළිය සම්මානය තෙන්නකෝන් දිනුවාය. 2016 වසරෙහිදී ඇය විසින් හොඳම නිළිය වෙනුවෙන් සුමති සම්මානය දිනුවේ අම්මා තුල ප්‍රධාන නිළි-භූමිකාව සඳහාය.

ශාක්‍යන්ස් කණ්ඩායමෙහි නායිකාව ලෙසින් හිරු මෙගා ස්ටාර්ස් රියැලිටි වැඩසටහනෙහිද ඇය සහභාගී විය. ටීවී දෙරණ වෙතින් ප්‍රචාරය කෙරුණු සිත් ගිමන් හල රූපවාහිනී වැඩසටහනද ඇය විසින් මෙහෙයවන ලදි. නුගේගොඩ ඇය සතුව රූපලාවන්‍ය ව්‍යාපාරයක්ද ඇත.

තෝරාගත් රූපවාහිනී කතාමාලා

සරසවිය සම්මාන

සුමති සම්මාන

රයිගම් ‌ටෙලීස්

• නිල්මිණි ටෝක්ස් අබවුට් ඩිවෝස්^{[permanent dead link]}
• මට නම් මම හිතූ ආදරය ලැබිලා සංරක්ෂණය කළ පිටපත 2019-09-13 at the Wayback Machine
• අයි විල් ලීව් ද කන්ට්‍රි
• මම පොළවේ පය ගහලා ඉන්න ගැහැනියක්‌ සංරක්ෂණය කළ පිටපත 2021-04-23 at the Wayback Machine
• කාලය කෙතරම් සොඳුරු ද