ၼႂ်း ၽူႈႁွင်ႉၵႂၢမ်းၵေႃႈၸိုဝ်ႈ ၽူႈတႅမ်ႈၵႂၢမ်းၵေႃႈပဵၼ်သေ ၼမ်ႉၵႂၢမ်း သမ်ႉၶိုၵ်ႉလိုၵ်ႉ ယွၼ်ႈသႂ်ႇႁူဝ်ၸႂ်တႆး ပေႃးမေႃးပိုၵ်ႉပိုၵ်ႉၼၼ်ႉ တေလႆႈဝႃႈ ပဵၼ် ၵႂၢမ်းၸၢႆးမူးယဝ်ႉ။ မၼ်းၸၢႆးၼႆႉ ၼမ်ႉၵႂၢမ်းၶိုၵ်ႉ ၶေႃႈၵႂၢမ်းလိုၵ်ႉ သမ်ႉမႃးႁိုၵ်ႉသႂ်ႇ ၽွင်းသၢႆငၢႆၵူၼ်းမိူင်းတႆး ၶမ်ဝႆႉ ၼႂ်ႈဝၢင်ႈႁိပ်ႇလႄႈ ၶေႃႈၵႂၢမ်းမၼ်းၸၢႆး ၸိူဝ်းၼၼ်ႉ ထုၵ်ႇၸႂ် ၵူၼ်းၸိူဝ်းဢၼ်လႆႈထွမ်ႇၼၼ်ႉယူႇယဝ်ႉ။
ၸၢႆးမူး | |
---|---|
ၸၢႆးမူးမေႃသွၼ်ႁူၺ်ႈၸွႆး (1960-1994) | |
34 | |
ၸၢဝ်းၶိူဝ်း | တႆး |
ၽႃႇသႃႇၵိူဝ်းယမ် | ၸၢဝ်းပုတ်ႉ |
ၸၼ်ႉထၢၼ်ႈပႆႇၺႃႇ | ႁူင်းမုၼ်းလႅင်း ၸႄႈၵႅင်း |
ၼႃႈၵၢၼ် | မေႃသွၼ်။ မေႃႁွင်ႉၵႂၢမ်း။ ႁၢပ်ႇၵၢၼ်သိုၵ်း။ |
ၵေႃႉၵူႈ | ၼၢင်းပႅင်း |
လုၵ်ႈလၢင်း | ၼၢင်းၸၢမ်ၶမ်း၊ ၸၢႆးမွၼ်းသႅင် (ႁွင်ႉ) ၸၢႆးၸိူင်းမႂ်ႇ၊ ၼၢင်းသႅင်ဢိုၼ်းမိူင်း |
ၶၢဝ်ႇႁူင်လိုဝ်းလင် | ၽူႈႁွင်ႉၵႂၢမ်း/ၽူႈတႅမ်ႈၵႂၢမ်း ပၢႆးမိူင်း |
ဝၼ်းသဵင်ႈၵၢမ်ႇ | 26.12.1994 |
တီႈသဵင်ႈၵၢမ်ႇ | ဝၢၼ်ႈလၵ်းတႅင်ႇ၊ ဢိူင်ႇပဵင်းလူင်၊ ၸႄႈတွၼ်ႈၵဵင်းမႂ်ႇ ၸိုင်ႈထႆး |
လၢႆးမိုဝ်း | |
မၼ်းၸၢႆးၼႆႉ ပဵၼ်ၵူၼ်းမိူင်းပၼ်ႇ၊ မိူင်းပၼ်ႇၼႆႉ ပဵၼ်မိူင်းၸဝ်ႈၶူးမေႃၵေႃးလီႇ ဢၼ်ၵတ်ႉၶႅၼ်ႇလိၵ်ႈလၢႆးသေ ပဵၼ်ၸဝ်ႈၶူးမေႃၼၼ်ႉလႄႈ ၸၢႆးမူးၼႆႉၵေႃႈ တေလႆႈဝႃႈ ပဵၼ်ၵေႃႉၽူႈဢၼ် ပၢႆၵမ်ၽၢႆၵေႃႉၼိုင်ႈ။ ၸိုဝ်ႈဢူႈမၼ်းၸၢႆး ႁိၵ်ႈဝႃႈ လုင်းၸၢႆး၊ ၸိုဝ်ႈမႄႈ ပႃႈဢူင်းၺုၼ်ႉသေ ၵိူတ်ႇႁၼ်ၼႃႈမၼ်းၸၢႆး မိူဝ်ႈ 15.1.1960 ပီသႃႇသၼႃႇ 2503 ပီတႆး 2094 ပီၵေႃးၸႃႇ 1321 လိူၼ်ၵမ်လွင်ႈ 3 ၶမ်ႈ ဝၼ်းသုၵ်း။ ၶဝ်မီးပီႈၼွင်ႉ 3 ၵေႃႉ ၵပ်းတၢမ်းၵၼ် ၼင်ႇတႂ်ႈၼႆႉ-
ၸၢႆးမူးၼႆႉ ၸိုဝ်ႈၼႂ်းႁူင်းႁဵၼ်းမၼ်း ႁွင်ႉဝႃႈ ၸၢႆးတၢၼ်းၽေႇလေးၼႆသေ ၶိုၼ်ႈႁူင်းႁဵၼ်း တမ်ႈတီႈ မိူင်းပၼ်ႇ။ ဝၢႆးၼၼ်ႉ ၶိုၼ်းၵႂႃႇသိုပ်ႇၶိုၼ်ႈ ႁူင်းႁဵၼ်း ႁုင်းမုၼ်းလႅင်း တမ်ႈတီႈ ၸႄႈၵႅင်း (စစ်ကိုင်း၊ တိုင်းရင်းသား ဖွံ့ဖြိုးရေး သိပ္ပံကျောင်း) ယဝ်ႉ။ ဝၢႆးသေ ယဝ်ႉႁူင်းႁဵၼ်း ၸင်ႇမႃးႁဵတ်းၵၢၼ် မေႃသွၼ် တမ်ႈတီႈ မိူင်းတႆးယဝ်ႉ။
ၸွမ်းၼင်ႇ ယိူင်းဢၢၼ်း ၸုမ်းလုၵ်ႈႁဵၼ်း လႄႈ ၸုမ်းၶူးသွၼ် ႁူင်းႁဵၼ်းၸိူဝ်ႉၸၢတ်ႈ ပၢင်ၵမ်ႉၵေႃႇ လႄႈ လုၵ်ႈလၢင်း ဢိၵ်ႇတင်း ဢူၺ်းၵေႃႉဢူၺ်းသေႈ ၶူးမူး ဢမ်ႇၼၼ် ၸၢႆးမူး (မေႃသွၼ်ႁူၺ်ႈၸွႆး) တင်းသဵင်ႈသေ တေႁူမ်ႈၵၼ်ၸတ်းႁဵတ်း ပၢင်ႁႅၼ်းလူႇတၢၼ်း ႁႂ်ႈပဵၼ်ဝၼ်းၶုၵ်းထူပ်း ၶွပ်ႈၶူပ်ႇ 25 ပီ ၶူးၸၢႆးမူး ၼႆယဝ်ႉ။
ပေႃးထိုင်မႃး ဝၼ်းထီႉ 31 December 20109 လိူၼ်ၵမ်မႂ်ႇ (6) ၶမ်ႈ ဝၼ်းဢင်းၵၢၼ်း ၶၢဝ်းယၢမ်း 09:00 – 10:00 မူင်း တေမီးပၢင်ထွမ်ႇလိၵ်ႈထွမ်ႇထမ်းလႄႈ ၶၢဝ်းယၢမ်း 10:00 -15:00 မူင်း သမ်ႉတေမီးပၢင်ၶႄႉၶဵင်ႇ ႁွင်ႉၽဵင်းၵႂၢမ်း ၶူးၸၢႆးမူး လႄႈ ထိုင်မႃးယၢမ်းၵၢင်ၶမ်ႈ တေသိုပ်ႇတေႃႉတႆႇၶႆႈၼႄပိုၼ်း ဢိၵ်ႇလွင်ႈတူင်ႉၼိုင်ႁဵတ်းသၢင်ႈ ၶူးၸၢႆးမူးသေ ၊ တေမီးပႃး ပၢင်မူၼ်ႈသိူဝ်းပၢၼ်မႂ်ႇ ဢၼ်မီးၸုမ်းတွႆႇတိုင်ႈလႄႈ ၽူႈႁွင်ႉၵႂၢမ်း ၸိုဝ်ႈသဵင်ႈယႂ်ႇ လၢႆလၢႆၸုမ်း မႃးၶဝ်ႈႁူမ်ႈ၊ ၶၢဝ်းယၢမ်း 23:40 – 00:01 မူင်း တေႁူမ်ႈၵၼ် ႁၢင်ႈႁႅၼ်းႁပ်ႉတွၼ်ႈ ပီမႂ်ႇလုမ်ႈၾႃႉ 2020 ၵႂႃႇ တေႃႇပေႃးထိုင် ၼႂ်းဝၼ်းထီႉ 1 January 2020 ဝႃႈၼႆ။
ၶူးၸၢႆးမူးၼႆႉ ပဵၼ်ၽူႈႁူမ်ႈၵေႃႇတင်ႈ ဝူင်းၸိူင်းလႅဝ်းသေ လႆႈလူႉသဵင်ႈၵၢမ်ႇၵႂႃႇ မိူဝ်ႈဝၼ်းထီႉ 26 December 1994 ၼႂ်း ယၢမ်းလဵဝ် ၶွပ်ႈၶူပ်ႇတဵမ် 25 ပီ ယဝ်ႉလႄႈ ယူႇတီႈ ၸုမ်းၶူး လႄႈ လုၵ်ႈႁဵၼ်း ပၢင်ၵမ်ႉၵေႃႇတင်းသဵင်ႈ ၸင်ႇလႆႈၽိတ်ႈမွၵ်ႇထိုင် ပီႈၼွင်ႉ လုၵ်ႈၼွင်ႉတပေး ဢူၺ်းၵေႃႉ ဢူၺ်းသေႈ ဢိၵ်ႇၽူႈယႂ်ႇၵူၼ်းလူင်ႁဝ်းၶႃႈ ႁႂ်ႈလႆႈမႃးႁူမ်ႈၵိၼ်ႁူမ်ႈလူႇ ဢဝ်ၵုသူဝ်ႇ လူၺ်ႈၸွမ်းၵၼ်ၵႂႃႇ ဢွင်ႈတီႈ ဝတ်ႉၾႃႉဝဵင်းဢိၼ်း ဢိူင်ႇပဵင်းလူင် ၸႄႈဝဵင်းႁႅင်း ၸႄႈတွၼ်ႈ ၵဵင်းမႆႇ ၼႆယဝ်ႉ။
This article uses material from the Wikipedia လိၵ်ႈတႆး article မူး၊ ၸၢႆး၊ ၽူႈႁွင်ႉၵႂၢမ်း၊ ၽူႈတႅမ်ႈၵႂၢမ်း, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ၸိူဝ်းၶဝ်ႈပႃးဝႆႉၼႆႉ မၼ်းတေၸၢင်ႈၸႂ်ႉလႆႈ ၵႃႈတီႈ မ်ႂ CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki လိၵ်ႈတႆး (DUHOCTRUNGQUOC.VN) is an independent company and has no affiliation with Wiki Foundation.