Ils Utrim nɣ Ils n Utaram (s tɛṛabt: اللسان الغربي) iga ism lli ittyufkan i yat tutlayt tamaziɣt inɣuban.
Tutlayt ad tkka tt inn ar sis sawln ɣ umata n izaɣarn iṭlanṭiyn n Lmɣrib, yili mad ttinin mas d Tclḥit ad as akkʷ yaẓn gr tutlayin timaziɣin.
Ils Utrim ikka t inn iga tutlayt tamaddut n umqqun n Burɣwaṭa, tg tutlayt lli issmrs Ṣaliḥ Ibn Ṭaṛif ɣ "Lqqʷṛan Amaziɣ" nns.
Tiṛẓi n Buṛɣwaṭa mgal Imuwaḥḥidn ɣ tasuta tiss 11, azwag n mnnawt tqbilin tiɛṛabin d tznatiyin s umnid s ifassn n Imuwaḥḥidn d Imariniyn d unbaz n iburtuɣaliyn ɣ tasuta tiss 15, d mnnaw n id buhyyuf tga tyafut-nnsn asmatti n imzdaɣn d ussimẓi n wuṭṭun n imṣmudn; issaɣ akkʷ aylli yad ittubdarn s usɛṛṛb n aylli d iqqaman ɣ imzdaɣn imṣmudn d tmttant n Yils Utrim.
Ass a, llant mnnawt tqbilin d yiɣsan n imṣmudn nna isuln gr Dukkala, Ccawya, Zɛir d Irgragn, maccan ar akkʷ sawaln s tɛṛabt.
Amnni ad iga amud izdin d Tutlayin, isul imẓẓiy. Aws i Wikipidya s usnfl nns, tssimɣurt t. |
This article uses material from the Wikipedia Taclḥit article Ils Utrim, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.