Tga Trifit tutlayt tamaziɣt nna s sawaln ayt rrif.
Zɣ mad nufa ɣ usiḍn amrrukiy n 2004, uṭṭun n imssiwln n trifiyt ɣ umrruk iga t attayn n 1,270,000 umlyun, ilkm attayn n 1,5 umlyun ɣ umaḍal akkʷ. zɣ dar isugam yaḍnin, ittwasitg wuṭṭun n imssiwln nns s wattayn n 3 imlyunn.
Tutlayt Tarifit | |
---|---|
Tarifit — تاريفيت — ⵜⴰⵔⵉⴼⵉⵜ | |
Imsiwln imlalutn | 4 399 000 (2016) |
Tawja n tutlayin | |
Agmmay n tirra | Agmmay alatini d Tifinaɣ |
Ingaln n tutlayt | |
ISO 639-3 | rif |
Glottolog | tari1263 |
Llan tuggt n imssiwln n trifiyt ɣ urubba nna s ddan dffir n uzwag nnsn imqqurn zɣ wammas n isggʷasn n 1960. Hulanḍa, Abljik, d Waliman, gan timizar nna ɣ bahra llan.
Mqqar ittwassn yism ad n "tarifiyt", ig yan yirm ubɣir (ilan abɣur), imaziɣn n rrif ar aqqran i tutlayt-nnsn s ism "tamaziɣt".
Tiqbilin timslmaziɣin nna isawaln s trifiyt gant tnt: Ibqquyn, Ayt Wryaɣl, Ayt Tmsaman, Ayt Tuzin, Ayt Ɛmmart, Igznnayn, (Mtalsa, Ibdarsn?), Ayt Sɛid, Iqlɛiyn, Tafrsit, Ayt Ulick(?), Ayt Buyḥyi, Ikbdanen, Ayt Gmil.
Ittwassn wawal arifiy s isnfiln nns imsislitn sis iẓlin. isnfiln ad imsislitn gan zɣ tɣawsiwin iskarn tanmart ɣ urmas dar imaziɣn ann yaḍn.
askkil | manik s ittwasusru | amdya |
---|---|---|
l | r | awal [awar]; aɣyul [aɣyur]; ul [ur] |
k | c | nkk [ncc]; akal [acal]; mamk [mamc] |
ll | ddj | illi [iddji]; taẓallit [taẓaddjit] |
g | j | agllid [ajddjid]; agḍiḍ [ajḍiḍ] |
g | y | agm [aym] |
lt | tc | ultma [utcma]; taɣyult [taɣyutc] |
r | aa | war [waa]; tamɣart [tamɣaat]; tamurt [tamwaat] |
sk | cc | isk [icc]; tiskrt [ticcrt] |
Amata n walsiwn irifiyn, slawan akkʷ win tsggʷin tinammasin n rrif amslmaziɣ, gisn isnfiln ad imsislitn, mac ur kullu gis ttwaɛmmemn; ur llin dar walsiwn n ugmmuḍ n rrif (ikbdann, iznasn...) nna yaẓn uggar i tntaliwin ann yaḍn ɣ uswir amsisli.
Imgirrden gr Tarifit d tutlayin timaziɣin yaḍni:
Lemmer tlla tiɣra mbeɛd /r/ ar t nttnṭaq, zun d : ar tnṭaqn /r/ n tamara.
Asekkil ɣ tmaziɣt n arrif | Taguri tarifit | Taguri ɣ tntalayin yaḍnin | Anamek s taclḥit |
---|---|---|---|
Ř ř | uř | ul | ul |
aɣyuř | aɣyul | aɣyul | |
awař | awal | awal | |
Ǧ ǧ (dj) | azeǧif | ixf | agayyu/ixf |
yeǧa | yella | illa | |
ajeǧid | agellid | agllid | |
Č č | wečma | weltma | ultma |
tacemřač | tamllalt | tumlilt | |
taɣyuč | taɣyult | taɣyult |
Ẓr ula Tarifit ɣ Wikipidya lli illan ɣ Wikimidya Incubator |
This article uses material from the Wikipedia Taclḥit article Tutlayt Tarifit, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.