Alɛyuḍ nɣ tasmayyunt iga yan wanaw n igḍaḍ, ar ttɣaln kigan n middn mas iga icidi acku ula nttan acku iṭṭaf ujayc g ixf nns zund win icidi.
Alɛyuḍ iga yan wagḍiḍ anzruf ar ittigut g tgrst, d ar ittili g trubba. Ar ittili g tmnaḍin tinzrufin d ɣilli irwasn tanzruft, d irfasn iɣ llan tiddagin tinzrufin, d tmnaḍin tiyrzanin d tɣliwin, d igran imqqurn n tyrza.
Alɛyuḍ | |
---|---|
Tasnsartut | |
Tagldit | Animalia |
Tazuni | Chordata |
Asmil | Aves |
Anmala | Passeriformes |
Tawja | Alaudidae Vigors, 1825 |
Ar tlkkm tiɣzi nns ar kra n 15 cm, d tifrtin nns s uklu aqhwi g uɛṛur ns, macc iga gr awraɣ d uqhwi g uḥlig ns, d ifarrayn miriwn ar as ttawsn a yeɣama g ignna i tizi iɣzzifn, d ar tlkkm turrut n ifarrayn ar kra n 30 - 35 cm, ar ittuẓla s yan ujayc aqhwi zzɣ tifrtin g iggi n ixf ns, d iḍaṛṛn wrrɣn, d alln nns gan ula nttni iqqhwin.
Ar ictta wegḍiḍ ad aqqayn d ibuxxucn iddrn g idɣarn iɣ a yettili. D iga yan wanaw n igḍaḍ iḥmln ay zzigiz uggar n ma yttfarray afadd ay snubbuc s tutca ns.
Ar tssrus tawtmt n ulεyuḍ g tizi n umyalwal kra n 5 tteglay g isddi i tskar g ddu n taddagin tinzrufin.
This article uses material from the Wikipedia Taclḥit article Alɛyuḍ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.